»
أنواع ماكينة الخياطة اوفر لوك

أنواع ماكينة الخياطة اوفر لوك

ماكينة خياطة اوفر لوكتعتبر ماكينة الخياطة اوفر لوك ثاني أشهر اشكال ماكينات الخياطة بعد الماكينة العادية، وتستخدم بشكل أساسي في تنظيف حواف القماش وان كان لها استخدامات اخري، حيث ان غرزة الاوفر لوك التي تنتج علي حافة القماش تمنع تنسيله وبالتالي تحافظ علي الملابس لفترة أطول كما ان شكل الملابس من الداخل يكون ارقي واجمل، وتخيل لولا وجود غرزة الاوفر علي حافة المقاش من الداخل لامتلأت الملابس ببقايا الخيوط.

واذا كانت مكنة الخياطة العادية تستخدم لتكوين الغرزة ابرة ومكوك، فإن مكنة الخياطة اوفر لوك تستخدم لتكوين الغرزة ابر وكروشيهات، والكروشيه عبارة عن خطاف يتحرك اسفل القماش لتكوين الغرزة مع الابرة.

ويوجد دائما بماكينات اوفر لوك مقص علي يمين الابرة يقوم بقص القماش الزائد وتسوية حافة القماش. وتوجد ثلاث اشكال أساسية لماكينة الاوفر لوك ويتم تحديد موديل المكنة علي حسب عدد الفتل المستخدمة في تكوين الغرزة، والتي تتنوع ما بين ماكينة اوفر 3 فتلة، ماكينة اوفر 4 فتلة، وماكينة اوفر 5 فتلة.

ماكينة خياطة اوفر لوك 3 فتلة

تستخدم فقط في تنظيف حواف الاقمشة المنسوجة، وتحتوي علي ابرة واحدة واثنين كروشيه، وهي المكنة الأشهر والكثر انتشارا.

ماكينة خياطة اوفر لوك 4 فتلة

تحتوي علي ابرتين واثنين كروشيه، وتستخدم في خياطة وتنظيف حواف اقمشة التريكو، وذلك في مرحلة واحدة، حيث تقوم الابرة الإضافية بعمل تحبيس علي الخياطة وتمنع “تفزير” القماش عند خط الخياطة.

ماكينة خياطة اوفر 5 فتلة

تحتوي علي ابرتين وثلاثة كورشيه، وتستخدم في خياطة وتنظيف اقمشة المنسوجة في مرحلة واحدة، حيث تقوم ابرة واحدة مع اثنين كروشيه بعمل نفس غرزة الاوفر 3 فتلة علي حرف القماش لمنع التنسيل، في حيث تقوم الابرة المتبقية مع الكروشيه الأخير بعمل غرزة خياطة من نوع السلسة بجانب غرزة الاوفر لوك 3 فتلة، وتستخدم بشكل كبير جدا في خياطة البنطلون الجينز، حيث ان خياطة الرجل الداخلية للبنطلون في الغالب “ان لم يكن دائما” تكون اوفر 5 فتلة.

توجد تنويعات اخري في شكل ماكينة خياطة اوفر لوك حسب غرض الغرزة وشكلها، كما يمكن عمل اشكال غرزة جمالية بالتحكم في مقدار سحب القماش، وهو الامر الذي يحتاج الي بعض الخبرة في تشغيل المكنة.

الكاتب: خالد الشيخ

avatar
مصمم ازياء مصري حاصل علي درجة الدكتوراة في تصميم الازياء، واعمل مدرس (دكتور) بكلية الفنون التطبيقية- جامعة حلوان- قسم الملابس الجاهزة، اكتب هنا في موقع فاشونايد، واعتبره ساحة للحوار حول كل ما يخص تصميم وتصنيع الازياء.

103 تعليقات علي الموضوع

  • هذه المكنة خاصة فقط بتنظيف الحواف ، ولا تستخدك في الخياطة !

    • هل ده سؤال؟ عموما الاجابة باختصار هي:
      اوفر 3 فتلة: تنظيف فقط للاقمشة المنسوجة.
      اوفر 4 فتلة: خياطة وتنظيف للاقمشة التريكو.
      اوفر 5 فتلة: خياطة وتنظيف للاقمشة المنسوجة.

      • السلام عليكم
        إن شاء الله هفتح مصنع
        الشغل هيكون بنطلون قماش جاكيت
        فستان وبلوزة كاجول …أنواع المكن
        المطلوب… خلفية عن الاورليه و
        رأى حضرتك في مكن Jack
        وشكرا

        • البنطلون والجاكيت والفستان والبلوزة ينتجون علي ماكينات سنجل واوفر 3 فتلة ويمكن ادخال الاوفر 5 فتلة والكوع بعد ذلك، وتحتاج الي ماكينات زراير وعرواي.
          مكنة الاورليه تعمل فقط في الاقمشة التريكو.
          مكن جاك هو انتاج صيني مقبول ويعمل في كثير من المصانع مثل اغلب الماكينات المتاحة حاليا.

          • بشمهندس خالد
            بالنسبة للتونيك ..تنصحني اختار مكنة اوفر 4 فتلة والا 5 فتلة..انا محتار ؟
            واي الماكينات المتوفرة تنصحني بيها (سواء كانت 4 فتلة او 5 فتلة)؟

          • كل المكن متوفر
            والتونيك يحتاج مكنة اوفر 3 فتلة للتنظيف او 5 فتلة للخياطة والتنظيف في مرحلة واحدة.

  • السلام عليكم
    عايز اعمل مشروع منزلي ومحتاج ماكينة اوفر 4 فتلم وخياطة
    الافضل ايه اجيب ياباني مستعمل وارد الخارج ولا صيني جديد ولو صيني ايه النوع اللي حضرتك ترشحه. ويستعمل ضغط شغل عليه

  • انا لسه ببدأ اعمل مشغل صغير.. .. تنصحني ب4 فتله ولا 5

  • محمد عبد المبدي محمد

    لو سمحت يا دكتور انا عندي ماكينة أوفر لوك young star اربعه فتله وعايز اعرف بعد اذن حضرتك ازاى أضيق الفرز وازاي اعمل طرف مبروم.
    اسف علي الازعاج

    • يوجد غطاء في الجنب الشمال يفتح للخارج، وبداخله بكرتين للتحكم في مقدار الشد.
      واحدة لتغذية القماش لداخل المكنة والاخري للسحب للخارج.
      في حالة زيادة السحب عن التغذية ينتج الطرف المبروم.
      وفي حالة تقليل التغذية والسحب تضيق الغرزة.

  • السلام عليكم ورحمة الله وبركاته لو سمحت انابعمل مشروع ملايا السرير وعايزه اجيب ماكينه سرفله حت ولو مستعمله اجيبها منين ولو مستعمله النوع ايه وتقريبا سعرها كام ولو جديده برضه السعر والنوع وجزاك الله خيرا

    • تقصدين ماكينة الاوفر 3 فتلة.
      سيروبا وبيجاسوس من افضل الماكينات في الاوفر وكذلك جوكي وبراذر وغيرها الكثير.
      هذه الماكينات اسعارها الجديدة في حدود 3500 جنيه.

  • السلام عليكم دكتور
    انا ببدا مشروع فساتين زفاف وسواريه بعملها بنفسي
    ومحتاجة اجيب ماكينة اوفر
    فعايزة اعرف انهي نوع افضل في الجديد والمستعمل واسعارها في حدود ايه

  • عايزة اشترى مكنة اوفر يابانى اية احسن ماركة ضرورى

  • ممكن اعرف سعر المكن الاوفر ماركة سنجر 5 فتلة جديد كام والمستعمل كام ولكم جزيل الشكر

  • ماكينة اوفرلوك 5 فتلة بكام واين اماكن بيعها فى مصر واحسن نوع

  • السلام عليكم
    أن شاء الله نفتح مشغل فساتين زفاف وعند ماكينة خياطة برازر
    وكنت عايزة اشترى ماكينة اوفر جودة صينى جديدة ما رأى حضرتك

    • اغلب المكن المتاح حاليا صيني، بعض المكن قليل جدا تايواني والفرق في الجودة مش كبير. بالتوفيق.

  • السلام عليكم عندي. ماكنة برةذر ياباني مستعمل اريد تحضير فساتين هوت كتيور وفساتين زفاف وحابه اسال عن نوع ماكنه الاوفر لوكر ايهما احسن جانومى او جوكى وكم بكره لها

    • جوكي احسن واشهر
      عدد البكر يختلف حسب المكنة
      يوجد 3 و 4 و5
      3 لتنظيف الاقمشة المنسوجة
      4 لخياطة وتنظيف التريكو
      5 لخياطة وتنظيف المنسوج

      • بعني انا لسغلي كم بكرة بفيد واو سمحت ممكن توضحلي هل اخذ المكينة الصناعيه افضل ولا مكينتى العاديه جيده وهل يوجد مكائن براذر حديثه انا سفت بس يمكن فيتناميه فهل هي تفي بالغرض لانه احس المستعمل عطلاته كثيره

      • بعني انا لشغلي كم بكرة بفيد ولو سمحت ممكن توضحلي هل اخذ المكينة الصناعيه افضل ولا مكينتى العاديه جيده وهل يوجد مكائن براذر حديثه انا شفت بس يمكن فيتناميه فهل هي تفي بالغرض لانه احس المستعمل عطلاته كثيره

        • شغلك اوفر 3 فتلة.
          بالنسبة لشغل الاتيليه المكن الصناعي هو الافضل. وطبعا الجديد افضل من المستعمل، وتمن المكنة الاوفر تقريبا 2500 جنيه يعني مش مستاهل تجيبي مستعمل او بيتي.

          • انا سالت المكائن الصناعيه الحديثه اغلبها صينيه الصنع وسالت عن ماكنه حديثة في جيمسي صيني هل هي جيده الاداء؟ وانا متعودة عالماكنة المنزلي هل هناك صعوبه في استعمال الصناعي واذا كان احسن من المنزلي ليش سعر الصناعي ارخص من المنزلي ؟ ياريت تجاوب على كل اسئلتي واسفه عالاطاله

          • كل المكن في السوق “تقريبا” صيني وقليل جدا انتاج دول اخري، وجيمسي ماركة معروفة.
            المكن الصناعي اقوي من المنزلي واسرع ويحتاج بعض التدريب حتي تتعودي علي سرعته.
            اما سعر المكن المنزلي المرتفع فالسبب هو الوظائف الكثيرة التي يقوم بها، اما المكن المنزلي البسيط فاسعاره منخفظة.

  • بشمهندس خالد السلام عليكم
    ممكن استاذن حضرتك في ؤقم التليفون

  • هل يوجد في مصر مكن اوفر منزلي 5 فتله……وايه الفرق بينها وبين الصناعي ال 5فتله ايضا…..وشكرا

  • أنا لسة هتعلم الخياطة بس ناوية إن شاء الله أعمل بلوزات طويلة أقطان وغيره و جيبات و قمصان ، رأي حضرتك أجيب أنهي ماكينة؟ مع العلم اني لسة مبتدئة بس عايزة حاجة نضيفة وأكمل بيها. وشكراً مقدماً

  • لوسمحت انا عايزه اعمل مشروع صغير لانجيرى وكنت عايزه استفسر من حضرتك عن نوع ماكينه الاوفر اللى ممكن استخدمها وسعرها كام وجزاك الله خيرا

  • عايزة اشترى ماكينة اوفر مصانع للاستخدام المنزلى
    انا بعرف اخيط كل حاجة حتى فساتين الافراح
    خريجة اقتصاد جامعة حلوان ملابس و نسيج
    بس عايزاها لاستخدامى المنزلى وعايزة الشغل الحرير على الاطراف هل الاربعة ممكن تشتغل حرير زى التلاتة فتلة و سؤال تانى الاربعة للتريكو و الجرسيهات و الجل ولا القصد التريكو البلوفرات
    و ممكن استخدم الخمسة تلاتة فتلة و استخدم حرير للزخرفة
    انا محتارة اشترى اى منهم
    اسفة على الاطالة

    • تغيير لوحة الابرة يفيدك في تغيير عرض الخياطة علي الحواف سواء كانت تلاتة او اربعة فتلة.
      الجرسيهات والبلوفرات الاتنين اسمهم تريكو، بنقول علي الجيرسيهات تريكو ناعم، ونقول علي البلفورات تريكو خشن، الاتنين بيشتغلوا علي مكن 4 فتلة، لكن بردو فيه مكن خشن ومكن ناعم.
      الخمشة فتلة والتلاتة فتلة بيستخدموا فقط مع الاقمشة المنسوجة، الموضوع مش مجرد زخرفة كل مكنة مصنعة للعمل علي قماشة معينة.

  • ربنا يجازيك خير .لو سمحت يا د /خالد انا عايزة ماكينة خياطة افصل بيها لنفسى جيبات و بلوزات و تكون بتطلع الحاجة جاهزة على اللبس على طول من غير ما اروح اقفل .المفروض اجيب ماكينة امكانيتها ايه و حضراتك تنصحنى ب سنجر ولا براذر .اسفة ع الاطالة

    • سنجر وبراذر كويسين، لكن انتي هتجيبي ماكنة سنجل (خياطة عادية) ومكنة اوفر 3 فتلة، مينفعش مكنة واحدة.

  • كنت عايزة اسال عن ماكينة الخياطة نص اتوماتيك جاك افضل ام صن سير
    وايضا الاوفر

  • الاوفر 3 فتلة ممكن لاى نوع قماش يعنى ممكن مع القماش الخفيف والتقيل والجيرسى

  • انا مبتدءه على المكن وبفكر افتح مشغل اعمل منه ملابس اطفالى بناتى وفساتين من كل الخامات وعايزه اجيب مكن كويس مش عارف اجيب مستعمل والا جديد مع العلم انى مش بعرف فى انواع المكن انت حضرتك تنصحنى باى انواع ولو مستعمل اجيبه منين وسمعت ان فى مكن مستعمل استعمال اجانب اىه رايك وشكرا

  • يعنى للأفضل ليه كمبتدئه وهاشتغل فى الاسدالات وملابس المحجبات
    اجيب مكنة اوفر 3 فتله ولا 4 فتله ولا 5فتله

    • مكتوب في الموضوع ان مكنة الاوفر 4 فتلة مخصصة فقط للتي شيرت والبولو.
      لكن الاسدالات تشتغل علي اوفر 3 فتلة + مكنة سنجل للخياطات العادية، او استبدالهم بمكنة 5 فتلة تعمل الوظيفتين في وقت واحد.

  • لو سمحت يا استاذ خالد كنا عايزين نبدأ في مشروع صغير لخط انتاج لانجيري وكنا عايزين نعرف المكن المستخدم

  • كنت عاوز ابدء مشروع صغير خياطه لمصنع اخد منه القماش وانا اصنعهوله للفرمه اللى محتاجها .
    نصيحتك ايه يا دكتور فى البدايه وكيف ابتدى .
    كم مكنه ونوع المكنه وهكذا
    وشكراً لحضرتك يا دكتور خالد

  • السلام عليكم ،، هو حضرتكم عندكم فكره منين اشترى ماكينه اوفر ٥ فتله ف مصر وهل سعرها حد عنده فكره عنه ،،، وجزاكم الله خيرا

    • مكن الاوفر 5 فتلة ممكن تشتريه من الرويعي او سكر في جسر السويس او شارع جمال عبد الناصر في نهاية جسر السويس ويبتدي من 3 الاف جنيه (تقريبا).

  • السلام عليكم استاذ/خالد الشيخ
    جزاك الله خيرا
    عندى سؤال وهو هل مكنه الاوفر لوك تقوم بثنى كم التيشرتات ام احتاج لمكنه اخرى وما هى المكنه المناسبة للقيام بهذه الوظيفة

  • السلام عليكم
    هوه ممكن ماكينة الوفر 5 فتله تقفل تيشرتات ولا لازم 4 فتله ?
    وهل ممكن ايضا استعمالها ك 3 فتله عند الزوم ???

  • لو سمحت محتاج اعرف الماكينات اللي محتاجها لانتاج شاش طبي وجاونات طبيب
    ولو ممكن رقم تليفونك

    • الشاش الطبي يصنع علي انوال النسيج، والجوانتي الطبي له قالب بلاستيك، للاسف الموضوع ده بعيد عني شوية.

  • عايزة اعرف سعر ماكينه خياطه اوفر ٥فتله بكام

  • محتاج اعمل مصنع لجمعيه خيريه لادخال دل وتشغيل الفتيات الايتام…مبدائيا ايه المطلوب لعمل لانجيري وبيجامات اطفال وكبار حريمي

  • الاوفر الخمسه فتله تصلح للانجيريهات ولا لازن ٤ فتله

  • معلش ٤فتلة ممكن يتخيط بيها٣ فتلة ولاهي اربعة بس مينفعش نلغى فتلة منها

  • حضرتك انا لو عاوز افتح مصنع تى شيرت
    ايه المكن المطلوب؟؟؟
    وشكرا

  • دكتور انا يعمل خليط من تيشرت بيجامة ترينج قطيفة وقماش جيرسيه وحرير وقطن وجينز يعني موش متخصصة ف حاجة حسب الزبون يناسبني اكتر اوفر ايه 3/4

    • الجيرسيه واللي شبهه اوفر 4 فتلة
      الحرير والشبفون والساتان محتاج اوفر 3 فتلة
      لو ضروري مكنة واحدة للاتنين يبقي اوفر 4 فتلة

  • السلام عليكم .. لو سمحت يا دكتور عايز أسأل عن المكن المطلوب لعمل خط انتاج ملابس داخلية رجالي .. وكام سعر المكن

  • اي ماكينات الاوفر افضل موتور داخلي ام خارجي

  • سلام عليكم
    كنت حابة استفسر عن ما كينة الاوفر الصناعة الهندية ايش رايك فيها ؟؟؟؟

  • ما هو الاستخدام الخاص للأوفر 3 فتلة لا يمكن للاوفر 5 فتلة عمله في أي منتج

    • لا يوجد، يمكنك اصلا الغاء فتلتين من الاوفر 5 فتلة وستصبح اوفر 3 فتلة.

      • لو سمحت استاذ خالد انا كنت حبه اجيب مكنة خياطة شامله كل حاجه خياطة واوفر وتكون صناعية مش منزليه وخمسه فتله اني نوع احسن وتنصحني باني مكان للشراء ارجو الرد ضروري استاذي

        • المكن الصناعي لا يكون شامل
          اما ان تكون مكنة خياطة عادية
          او اوفر 3 او 4 او 5 فتلة
          مكن سيروبا او صن سير كويس

  • لو سمحت تقفيل الايشاربات الشيفون و الليكرا ممكن بالاوفر 4
    و كم سعر المكنه الاوفر 4 فتله الان و منين اشتريها

  • لو هفصل لناس جميع مختلف الاقمشة والاشكال حضرتك تنصحنى بمكنة (jack f4 ولا sunsir s1) كمكن صناعى سنجر؟ وتنصحنى اشترى مكنة سرفله كام فتلة؟

  • لوسمحت اناعندي ماكنة4فتلة جيمسي دائماالخيط ينقطع فماالسبب

    وشكرا

  • انا هفتح محل صغير لاصلاح وتفصيل الملابس مختلفه اقمشه وعايزه اعرف اي مكنه اوفر تنفعنى خمسه فتاه أو ثلاثة ويا ترى منين اجيب مكنه اوفر جدىدده ماكنش صينى واى نوع وجزاك الله خيرا

    • الثلاثة فتلة افضل مكنة لاصلاح الاقمشة المنسوجة، والاربعة فتلة للاقمشة التريكو، وفي المحلات لو هتشتري مكنة واحدة فقط يبقي الاربعة فتلة احسن.

  • باش مهندس خالد عندى ماكنة اوفر هندى والمقطع مبقصش ، حاولت اغيرة لكن للاسف برده مبقصش … ايه الحل

  • لو سمحت انا عاوز افتح محل للخياطة جميع انواع الاقمشه تنصحنى بأى نوع مكن للخياطه والسرفله وبالنسبه للسرفله كام فتله تنفع ف شغلى

    • كل تصنيف من الاقمشة له مكن مخصص له
      الاقمشة المنسوجة خياطتها بمكن سنجل ونظيفها بمكن اوفر 3 فتلة
      الاقمشة التريكو خياطتها وتنظيفها بمكن اوفر 4 فتلة، وثنيها بمكن اورليه.

اترك تعليقك

يرجي الالتزام بالاداب العامة عند كتابة التعليق
التعليقات المخالفة والتعليقات التي ليس لها علاقة بموضوع المقالة يتم حذفها.
بريدك الالكتروني لن ينشر
التعليقات تراجع اولا قبل عرضها
البيانات المطلوبة مشار اليها بـ *

*