»
باقي اتجاهات موضة الخريف والشتاء 18-19

باقي اتجاهات موضة الخريف والشتاء 18-19

في موضوع سابق عرضنا بعض اتجاهات الموضة لشتاء 2018-2019 وفي هذا الموضوع نستكمل عرض باقي الاتجاهات ومنها الفستان الجلد Leather dress: طبعا الجلد عموما خامة مهمة جدا خاصة في فصل الشتاء وهو في الشتا ده هنلاقيه بشكل كبير جدا بكل الألوان والأشكال من بنطلونات لجوبات لقمصان لاكسسوارات والجديد في الموسم ده استعمال الجلد اللامع ودمجه بالنايلون وبقصات معقدة اكتر وبوسع مختلف. ويفضل ارتداء الفستان أو الجوبات الجلد الموسم ده في شكل طويل.

صيحة كمان مكملة معانا من مواسم قبل كده هي ” Cape Flattery” أو ال” Fall Capes” أو الكاب: والجديد الموسم ده هو الكاب الطويل Fall Capes بخامات جديدة مثل الجلد والجاكارد والحرير والقطيفة ومطبوع طبعات جديدة، وهو سلويت مهم جدا الموسم ده مناسب لاخفاء عيوب الجسم بشكل كبير.

الطبقات الكتير والمتعددة  أو ““Duble Wham أو ال “ :”Over layeringوهو إتجاه جديد معروف ب “Double Whammy” عبارة عن ارتداء أكتر من قطعة فوق بعض أو أكتر من معطف فوق بعض بأطوال مختلفة وخامات مختلفة. مثل إرتداء قميص فوقه فستان كات وفوقه معطف سميك  فوق صديري  وهكذا..  لكن مهم جدا تكون القطع الملاصقة للجسم خفيفة وتمتص العرق وبسيطة. وعامة  هو لوك جميل جدا وشيك بسيط ومناسب خاصة لمقاومة الطقس في الشتاء ، لكن كتير مكلف وممكن يظهر بشكل غير لائق أو فوضوي ولسبب ده انصحك تركزي جدا فيه على أنواع الخامات اللي تستخدميها معاه ووكمان ألوانها وطبعا أطوال القطع.

كمان من الخامات المهمة في موسم خريف وشتاء 2018-2019 هي خامة “التوييد” والمعروفة الموسم ده بصيحة ال“Turn On Tweed” وهي خامة موجودة معانا بشكل مستمر كل سنة في عروض الأزياء ومناسب جدا لطقس الشتاء وبينافس في الموسم ده جواكت ال waterproofs   ظهر في أحجام ضخمة مختلفة (سلويت )ومبالغ فيها لكنه دائما هيضل اتجاه كلاسيكي لا يمكن الاستغناء عنه.

الكسرات أو ال pleats”وشفناه كتييير جدا في عروض الأزياء في الجوبات والبنطلونات كمان وطبعا الفساتين .. ورائج جدا الجوب البلسيه منها.

صيحة ال”Work wear” وملابس العمال: وهي أيضًا أقوى صيحة فى خريف وشتاء 2018-201 وظهرت في بعض العروض بشكل ملفت ولوك كامل ببدل باللون البرتقالي وجواكت نيون صفراء وكمان في شكل أفارول كامل(جامبسوت) كجزء مستوحى من ملابس عمال البناء والعاملين في مجال النظافة  أو بشكل تطعيم للقطع بشرائط النيون أو أحذية أو في خامة الجينز الخام.

إتجاه ال :”logo loco” أو الشعارات واللوجهات سواء عن طريق اللوك الكامل “head-to-toe” بمعنى تصميم الازياء عبارة عن قطعة كاملة سواء بدلة أو فستان أو جامبسوت من قماش مطبوع عليه اللوجهات. أو ممكن تكتفي بقطعة مطبوع عليها من على منطقة الصدر أو الظهر مثلا شعار معين، أو حذام أو حذاء أو حقيبة  مكتوب عليه علامة معينة أو أسم ماركة أو شعار لبيت أزياء معين. وهو خروج شوية عن صيحة الحروف والكتابات اللي تابعناها في المواسم السابقة.

المربعات أو “Checkered    Mixed”: والمربعات والكاروه دائمًا موجودة معانا خصوصًا في الشتاء لكن الاتجاه الجديد الموسم ده هو مزج نقشات الكاروه مع بعض في الاطلالة الكاملة بألوان مختلفة وأحجام مختلفة مع بعضها. وانصحك عشان تعملى كدة لازم يكون عندك جرأة وتركيز فى اختيار الالوان المناسبة اللي هتدمجيها على بعضها.

المربعات Pattern Plaid”” أو “Checkered Mixed: والمربعات والكاروه دائمًا موجودة معانا خصوصًا في الشتاء لكن الاتجاه الجديد الموسم ده هو مزج نقشات الكاروه مع بعض في الاطلالة الكاملة بألوان مختلفة وأحجام مختلفة مع بعضها.

غطاء الرأس :”Cover Your Head” غطاء الرأس موضة جدا الموسم ده وهو أكبر وأهم صيحة إكسسوارات في الخريف والشتاء سواء باستخدام القبعات الملونة ذات الاستايل الستيني 60’S، أو بالكابيشو أوحجاب الرأس الكبير  أو كمان  “A Head Start ” أو كاب السبق

الRainbow Tights أو الشوربات (الجوارب)الملونة بألوان قوس قزح: وهو إتجاه مبهج جدا وغريب ومفعم بالحيوية. بالنسبة لموسم الشتاء اللي متعودين فيه على ألوان غامقة. مثل الشوربات الحمراء والصفراء والزرقاء وممكن تنسقيها بلون واحد من نفس لون الملابس أو لون ومناسبة جدا مع الفساتين القصيرة والجوبات الواسعة القصيرة الجوارب و بجانب الألوان دي في الجوارب لاحظنا أيضا الجوارب المزيّنة بنقوش الحيوانات في ألوان مختلفة

الشراشييب   “fringing: وبالعودة إلى القرن الماضي خاصة فترة العشرينات كعنصر فالشراشيب مكملة معانا وظهرت في الموسم ده شكل جديد منها وهو ” Jellyfish Fringing” وهي عبارة عن شراشيب لامعة مستلهمة من سمك قنديل البحر.

blanket coats أو المعاطف البطانية: وده اتجاه طريف جدا وفرته اتجاهات الموضة للناس اللي مش بتحب البرد وبتفكر قبل النزول من السرير ، وهو معطف على شكل بطانية مريحة وتحمي من طقس البرد.

Night fever أو الترتر البراق: وهو عبارة عن قطع عليها ترتر بأحجام صغيرة أو كبيرة وموجودة بألوان مختلفة. والجديد أنها مش مخصصة للسهرة فقط لاء ده كمان ممكن ارتداءها بالنهار في فستان أو جوب أو بلوزة ,طبعا كمان في إكسسوار.

  الحقائب الضخمة أو “: “oversized Bagsوشفناها طبعا في عروض أزياء الخريف بشكل لافت، وهي مثالية لحمل كل ما لديك.

صيحة العدسات النضارة الملونة أو” Colored Lenses“: وده بتأكد ان موسم الخريف والشتاء السنة دي مفهم بالألوان وقوس قزح، وهو اللي جعل مصممين الأزياء يؤكدوا على رؤية الشتاء بالنظارات الشمسية التي تضرب جميع خطوط قوس قزح.

Sophisticated Knitwear” أو استخدام التريكو بشكل عام سواء في قطعة أو Total Look) ) بأطوال مختلفة وأشكال مختلفة مهم جدا الموسم القادم.

الكاتب: علا الطوخي

avatar

اترك تعليقك

يرجي الالتزام بالاداب العامة عند كتابة التعليق
التعليقات المخالفة والتعليقات التي ليس لها علاقة بموضوع المقالة يتم حذفها.
بريدك الالكتروني لن ينشر
التعليقات تراجع اولا قبل عرضها
البيانات المطلوبة مشار اليها بـ *

*