رأس المال المناسب لبداية مشروع الملابس

رأس المال المناسب لبداية مشروع الملابس

مصمم الأزياءصناعة الملابس هي صناعة معروفة بطبيعتها الصغيرة، مكنها رخيص وخاماتها أيضا، كما ان كلفة تشغيل الملابس ليست مرتفعة جدا، بالمقارنة مع صناعات اخري مثل صناعة السيارات او الالكترونيات مثلا التي تتطلب أجهزة غالية وخامات مترفعة الثمن، وتكلفة اقامة مشرع الملابس الصغير تعبر هي الاقل مقارنة بالصناعات الاخري.

فما هو راس المال المناسب لبداية مشروع جديد؟

توقف الإجابة على هذا السؤال على ثلاثة عناصر مختلفة تتحدد من خلال طبيعة العمل والهدف من المشروع وهي:

  • طبيعة المنتج
  • طريقة توزيع المنتجات
  • طرق الدفع المستخدمة

طبيعة منتج الملابس

صناعة الملابس رغم انها الصناعة الخاصة بإنتاج الملابس الا ان اختلاف مجالات العمل في الصناعة يجعل من الصعب وجود إجابة جاهزة ومحددة عن هذا السؤال، فعند العمل مثلا في صناعة جاكيت البدلة، يكون من الضروري توافر بعض المعدات الخاصة لصق وضغط وضبط بعض الأجزاء في الجاكيت، وبدون توافر هذه المعدات تقل جودة الجاكيت وتصبح المنافسة في السوق أصعب.

في حين ان صناعة التي شيرت معروفة بانها صناعة بسيطة وسهلة ويمكن العمل فيها بسهولة، لكنها تتطلب وجود عدد من الماكينات حتى يمكن العمل فيها والإنتاج بشكل اقتصادي، اما في حالة العمل في صناعة البلوزة مثلا فيمكن العمل بعدد اقل من الماكينات، لكن تتطلب بعض الخبرة في التشغيل لان انتاج البلوزة اصعب من انتاج التي شيرت وعدد المراحل والعمليات في البلوزة اكثر.

طريقة توزيع المنتجات:

المقصود بالتوزيع هو طريقة انتقال المنتجات من المصنع الي المحلات ثم الي المستهلك ويمكن ان يتم توزيع الملابس مباشرة من المصنع الي المستهلك، او ان يتم توزيعها علي المحلات التي تتولي بيعها الي المستهلك، او حتي نقل المنتجات الي تاجر ملابس يتولى هو توزيعها علي المحلات، وكلما طالت سلسلة التوزيع كلما تطلب ذلك رأس مال اكبر والعكس صحيح.

 طرق الدفع المستخدمة:

في حالة وجود مشتري يدفع مقدما تصبح تكلفة إقامة المشروع اقل ما يمكن، لكن هذه الحالة نادرة جدا، وفي حالة الدفع الفوري يكون صاحب المشروع مطالب بتوفير رأس مال يكفي لانتاج كمية من الملابس وتوزيعها علي المحلات ثم تحصيل ثمنها وهكذا، اما في حالة الدفع بالأجل وهو الوضع الأكثر انتشارا فيكون من المطلوب وفير رأس مال اكبر يغطي كمية المنتجات المعروضة في المحلات ولم يتم تحصيل ثمنها بعد.

بالإضافة الي كل ذلك يضاف تكلفة مكان إقامة المشروع هل هو موجود بالفعل، وهل هو مكان مستأجر، وعلي حسب المكان تتحدد تكاليف النقل واجور العمال وغيرها من العوامل الكثيرة جدا، ولهذا لا توجد إجابة واحدة يمكن علي أساسها تحديد رأس المال المناسب لبداية مشروع ملابس صغير، والأفضل ان يقوم صاحب كل مشروع بدراسة مشروعه وتحديد راس المال المناسب له.

الكاتب: خالد الشيخ

avatar
مصمم ازياء مصري حاصل علي درجة الدكتوراة في تصميم الازياء، واعمل مدرس (دكتور) بكلية الفنون التطبيقية- جامعة حلوان- قسم الملابس، اكتب هنا في موقع فاشونايد، واعتبره ساحة للحوار المتبادل مع المهتمين بهذه الصناعة حول كل ما يخص تصميم وتصنيع الملابس والازياء.
36 تعليق علي الموضوع
  1. يقول mohamed yhia:

    السلام عليكم ورحمه الله وبركاته
    أستاذ خالد كنت عايز اعمل ورشه صغيره لتصنيع الملابس الداخليه حماله وبركسر ونص كم بقماش سنجل ليكرا ايه نوع المكن اللى هحتاجه والتكلفه المبدأيه للمشروع ممكن تكون كام بعد أذنك؟؟

    1. يقول خالد الشيخ:

      اوفر 4 فتلة واورليه اساسي وشريط للحمالة ومكنة سنجل واحدة للتيكت واللابل.
      التكلفة للمشروع علي حسب دورة رأس المال وكمية الانتاج، يعني لو انت هتشتغل 3 اتواب وتبيعهم يبقي تحسب تمن كل المكن وتضيف عليها تمن 6 اواب (3 شغالين و3 بيتباعو) + اجور العمال وتكاليف المكان

  2. يقول امل صبحي:

    السلام عليكم انا باذن الله داخله علي مشروع صغير اصنع ملابس حريمي لدي الغير باذواق مختلفه واقوم بتوزيعها ووصلت لمصنع محترف وبيعر كويس ولكن القماش اسعره عاليه حتي الجمله في مكان ارخص من التربيعه في القاهره

    1. يقول خالد الشيخ:

      الربيعة فيها تجار كبار واحسن سعر هتلاقيه عندهم.

  3. يقول حسين الصادق:

    انا عايز افتح محل ملابس ولكن اعمل براند خاص بيا للأطفال فهل ٥٠٠٠٠ جنيه اقدر اعمل بيها كولكشن ملابس متنوعة للمحل باسم خاص بيا بكميات معقولة وجودة معقوله برضو
    من تي شيرتات وبنطلونات وبلوزات وشورتات كلها للاطفال ؟؟؟؟

    1. يقول خالد الشيخ:

      لو هتصنع المنتجات لدي الاخرين ممكن.
      لكن محتاجة دراسة كويسة ومحتاج تقلل عدد اصناف المنتجات

  4. يقول محمد كمال العمرانى:

    السلام عليكم يا دكتور
    كيف استطيع ان افرق قماش البيكا من بعضه فهو على حسب علمى 3 انواع 50 قطن 50 بوليستر
    65 35
    80 20

    1. يقول خالد الشيخ:

      الكلام ده بالنسبة لكل الاقمشة مش بس البيكة.
      محتاج تحس بالقماشة من خلال اللمس، ولازم تكون عارف تفرق بين ملمس القطن وملمس البولي استر.
      الحر الاخر هو حرق القماش وشم وملاحظة شكله بعد الحرق.
      القطن بيتحرق زي الورق ويعمل ريحة ورق محروق، البولي استر بيتحرق زي البلاستيك وريحته بلاستيك.
      او ممكن توديها معمل يحللها ويقولك علي المكونات.

  5. يقول احمد محمود:

    د/ خالد .. تحية طيبة
    لو عملت ورشة تصنيع ملابس … ايه افضل منتج اقدر اصنعه وازاي اقدر اوزعه ونسبة المخاطرة لراس المال .. رجاء الافادة

    1. يقول خالد الشيخ:

      سؤال ضخم لا يمكن الاجابة عليه في تعليق.
      افضل منتج هو المنتج المطلوب والذي يحتاجه المستهلك.
      تختلف المخاطرة حسب المنتجات بعض المنتجات مثل التي شيرت تباع في كل وقت وسهل العمل فيها والمخاطرة معدومة في حين ان سعر القطعة قليل.
      في المقابل البلوزات او الفساتين تتغير اذواقها بسرعة والمخاطرة اكبر كما ان تكلفتها اكبر.

  6. يقول يوسف:

    السلام عليكم وكل رمضان وانتم بخير
    انا معايا مبلغ محدود ب 20000 الف تقريبا وعايز اشتغل فى انتاج تى شيرت محترم واقوم بتوزيع على على المحالات هل اجد مصنع يصنع لى هذا التيشير ويبقى عندى مجال اكسب فيه وايضا استطيع طباعته ارجو الافاده جزاكم الله خير

    1. يقول خالد الشيخ:

      اه طبعا ممكن تلاقي مصنع يشتغل الي شيرت وتقدر تطبعه عادي
      بالتوفيق ان شاء الله

  7. يقول مدام اسلام:

    السلام عليكم لو سمحت كنت عاوزه اعرف ازاى أبدأ مشروع ورشة ملابس واجيب الناس اللى تنفذ الموديلات والباترون ازاى اصمم موديل ومين اللى هيصممه ويرسم باترونه انا معنديش الخبره أو الفكره الكافيه عن الموضوع بس نفسى اعمل ورشه وانجح واكبر

    1. يقول خالد الشيخ:

      سؤالك يحتاج الي مكتبة والاجابة عليه في تعليق لن تكفي.
      يمكنك العمل في احد المصانع لاكتساب الخبرة او مشاركة شخص لديه الخبرة.

  8. يقول احمد:

    حضرتك تعرف مصدر التجار اللى فى مول القدس فى العتبة بيجيبوا الملابس دى من مين

    1. يقول خالد الشيخ:

      من مصانع مختلفة لشتغل لحسابهم

  9. يقول Aya:

    استاذ خالد
    ممكن اعرف تكلفه فتح اتليه للملابس الكاجول ممكن تكون فى حدود كام ؟
    مع العلم المكان مستأجر

    1. يقول خالد الشيخ:

      علي الاقل تبدأ بـ:
      مكنة سنجل واوفر
      مكواة
      2 مانيكان
      ترابيزة قص ومقصات.
      تجهيز المكان مثل مكتب وانتريه وخلافه.
      تكلفة انتاج 10-15 قطعة للعرض.
      بخلاف كاليف تشغيل المكان ( اجور وايجار وكهربا وغيره)

  10. يقول محمود:

    لو حابب اعمل مصنع صغير لإنتاج الملابس الشبابي بنطلون وتيشرت وقميص ..إلخ بجوده عاليه كم احتاج رأس مال ومنين اجيب المكن والخامات

    1. يقول خالد الشيخ:

      كل منتج من التلاتة محتاج مصنع مستقل.
      المكن من الرويعي او من سكر مكة او جمال عبد الناصر في جسر السويس، والخامات من التربيعة و جسر السويس.

  11. يقول Mohammad Ellakany:

    استاذ خالد: هل من الممكن معرفة تكلفة انشاء ورشة صغيرة لتصنيع الملابس الداخلية
    و نوعية القماش المستخدم .
    و المكينات المستخدمة .

    1. يقول خالد الشيخ:

      علي حسب نوعية المنتج يكون اختيار القماش وكذلك المكن، ولو فرضنا انك تقصد الملابس الداخلية من اقمشة التريكو.
      مطلوب مكن اوفر 4 فتلة ومكن اورليه ومكن شريط، بالاضافة الي مقص وترابيزة قص ومكواة.
      اضافة لذلك سعر القمشا واجور العمال وتكاليف تجهيز المكان.

  12. يقول Hend:

    استاذ خالد حضرتك تعرف منين اشتري قماش ليكرا سباندكس في القاهرة ؟؟؟
    و تكون خامة نضيفة

    1. يقول خالد الشيخ:

      موجود في العتبة والحمزاوي وجمال عبد الناصر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

اعجبك الموقع؟

صفحتنا علي فيسبوك

تواصل معنا...

هل تبحث عن موضوع معين؟

اعضاء فاشونايد