أنواع ماكينة الخياطة اوفر لوك

ماكينة خياطة اوفر لوكتعتبر ماكينة الخياطة اوفر لوك ثاني أشهر اشكال ماكينات الخياطة بعد الماكينة العادية، وتستخدم بشكل أساسي في تنظيف حواف القماش وان كان لها استخدامات اخري، حيث ان غرزة الاوفر لوك التي تنتج علي حافة القماش تمنع تنسيله وبالتالي تحافظ علي الملابس لفترة أطول كما ان شكل الملابس من الداخل يكون ارقي واجمل، وتخيل لولا وجود غرزة الاوفر علي حافة المقاش من الداخل لامتلأت الملابس ببقايا الخيوط.

واذا كانت مكنة الخياطة العادية تستخدم لتكوين الغرزة ابرة ومكوك، فإن مكنة الخياطة اوفر لوك تستخدم لتكوين الغرزة ابر وكروشيهات، والكروشيه عبارة عن خطاف يتحرك اسفل القماش لتكوين الغرزة مع الابرة.

ويوجد دائما بماكينات اوفر لوك مقص علي يمين الابرة يقوم بقص القماش الزائد وتسوية حافة القماش. وتوجد ثلاث اشكال أساسية لماكينة الاوفر لوك ويتم تحديد موديل المكنة علي حسب عدد الفتل المستخدمة في تكوين الغرزة، والتي تتنوع ما بين ماكينة اوفر 3 فتلة، ماكينة اوفر 4 فتلة، وماكينة اوفر 5 فتلة.

ماكينة خياطة اوفر لوك 3 فتلة

تستخدم فقط في تنظيف حواف الاقمشة المنسوجة، وتحتوي علي ابرة واحدة واثنين كروشيه، وهي المكنة الأشهر والكثر انتشارا.

ماكينة خياطة اوفر لوك 4 فتلة

تحتوي علي ابرتين واثنين كروشيه، وتستخدم في خياطة وتنظيف حواف اقمشة التريكو، وذلك في مرحلة واحدة، حيث تقوم الابرة الإضافية بعمل تحبيس علي الخياطة وتمنع “تفزير” القماش عند خط الخياطة.

ماكينة خياطة اوفر 5 فتلة

تحتوي علي ابرتين وثلاثة كورشيه، وتستخدم في خياطة وتنظيف اقمشة المنسوجة في مرحلة واحدة، حيث تقوم ابرة واحدة مع اثنين كروشيه بعمل نفس غرزة الاوفر 3 فتلة علي حرف القماش لمنع التنسيل، في حيث تقوم الابرة المتبقية مع الكروشيه الأخير بعمل غرزة خياطة من نوع السلسة بجانب غرزة الاوفر لوك 3 فتلة، وتستخدم بشكل كبير جدا في خياطة البنطلون الجينز، حيث ان خياطة الرجل الداخلية للبنطلون في الغالب “ان لم يكن دائما” تكون اوفر 5 فتلة.

توجد تنويعات اخري في شكل ماكينة خياطة اوفر لوك حسب غرض الغرزة وشكلها، كما يمكن عمل اشكال غرزة جمالية بالتحكم في مقدار سحب القماش، وهو الامر الذي يحتاج الي بعض الخبرة في تشغيل المكنة.

الكاتب: خالد الشيخ

avatar
مصمم ازياء مصري حاصل علي درجة الدكتوراة في تصميم الازياء، واعمل مدرس (دكتور) بكلية الفنون التطبيقية- جامعة حلوان- قسم الملابس، اكتب هنا في موقع فاشونايد، واعتبره ساحة للحوار المتبادل مع المهتمين بهذه الصناعة حول كل ما يخص تصميم وتصنيع الملابس والازياء.
142 تعليق علي الموضوع
  1. يقول هبه:

    لو سمحت محتاجه حد يعلمني علي الاوفر 5 فتله نص كمبيوتر واعرف ازاي صيانتها وتضبيط الغرز وكمان زرار مقاس الغرز اللي علي الشمال بيعلق والخيط والقماش بيكلكع مع الخمسه فتله انما مع استعمالها 3 فتله بتبقي كويسه ممكن استعين بمين؟

  2. يقول هبه:

    لو سمحت استاذ خالد انا اشتريت اوفر جاك سيرفو 5 فتله والسكينه العليا اتكسرت هل ممكن اغيرها انا ولا لازم متخصص ؟

    1. يقول خالد الشيخ:

      تغييرها سهل لكن ياريت اول مرة فني صيانة يغيرها لك

  3. يقول محمد عرفه:

    ازاى اعرف الماكينه اليابان من الصينى الاوفر

    1. يقول خالد الشيخ:

      اما من خلال المدون علي جسم المكنة، او من خلال خبرتك في التعامل مع المكن يمكنك التفريق بينهم.

  4. يقول رحاب:

    السلام عليكم ورحمة الله وبركاته
    أنا عاوزة أقدم في كورس لتعلم الخياطة لكن أحتاج شراء ماكينة قبل البدء فحضرتك أي نوع مكن سأحتاج له
    علما بأنه استخدام شخصي ليس لمشروع ولكم جزيل الشكر.

    1. يقول خالد الشيخ:

      الاستخدام الشخصي طبعا له المكن المنزلي، لكن لو المكان يسمح يبقي ممكن شتري مكنة صناعي، اعطالها اقل وجودة الخياطة فيها افضل

  5. يقول أم عمرو:

    لو سمحت ينفع استخدم المكنة ال ٤فتله أوفر أو أوفر وخياطة مع بعض ف الأقمشة المنسوجه زى الجبردين وقماش القمصان الرجالى والحرير والكريب وهيكون شغلها كويس فيهم

    1. يقول خالد الشيخ:

      مكنة الاوفر 4 فتلة اصلا بتشتغل تريكو بس

  6. يقول دينااااااااااااااا:

    لو سمحت انا عايزة اعمل مشروع ملايات السرارير و عايزة اشترى ماكينة خياطة التى تقوم بثنى الحواف اوتوماتيكيا
    الماكينة دى اسمها ايه و بكام

    1. يقول خالد الشيخ:

      مكنة سنجل عادية متركب عليها فولدر للثني

  7. يقول دينااااااااااااااا:

    لو سمحت انا عايزة اعمل مشروع ملايات السرير و معنديش خيرة غير فى الماكينات المنزلية البسيطة و عايزة اجيب ماكينة صناعية علشان تسهل عليا الشغل بس سمعت ان فى ماكينة بتتنى الحواف مرتين فى مرحلة وحدة خياطة و شفت الفيديوهات بتاعة شغلها
    اسمها ايه الماكينة دى و موديلها و الاقيها فين و بكام
    و شكرا

    1. يقول خالد الشيخ:

      مكنة سنجل عادية ومتركب عليها فولدر

  8. يقول غدا اجمل:

    لو سمحت انا عاوز افتح محل للخياطة جميع انواع الاقمشه تنصحنى بأى نوع مكن للخياطه والسرفله وبالنسبه للسرفله كام فتله تنفع ف شغلى

    1. يقول خالد الشيخ:

      كل تصنيف من الاقمشة له مكن مخصص له
      الاقمشة المنسوجة خياطتها بمكن سنجل ونظيفها بمكن اوفر 3 فتلة
      الاقمشة التريكو خياطتها وتنظيفها بمكن اوفر 4 فتلة، وثنيها بمكن اورليه.

  9. يقول محمد محمود:

    باش مهندس خالد عندى ماكنة اوفر هندى والمقطع مبقصش ، حاولت اغيرة لكن للاسف برده مبقصش … ايه الحل

    1. يقول خالد الشيخ:

      المكنة دي رديئة جدا، محتاج تظبط سلاحين المقص علي بعض وتسنهم كويس

  10. يقول حلم العمر:

    انا هفتح محل صغير لاصلاح وتفصيل الملابس مختلفه اقمشه وعايزه اعرف اي مكنه اوفر تنفعنى خمسه فتاه أو ثلاثة ويا ترى منين اجيب مكنه اوفر جدىدده ماكنش صينى واى نوع وجزاك الله خيرا

    1. يقول خالد الشيخ:

      الثلاثة فتلة افضل مكنة لاصلاح الاقمشة المنسوجة، والاربعة فتلة للاقمشة التريكو، وفي المحلات لو هتشتري مكنة واحدة فقط يبقي الاربعة فتلة احسن.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

اعجبك الموقع؟

صفحتنا علي فيسبوك

تواصل معنا...

هل تبحث عن موضوع معين؟

اعضاء فاشونايد