»
مشروع ملابس جاهزة

مشروع ملابس جاهزة

مشروع ملابس جاهزة

مصنع ملابس جاهزة

صناعة الملابس الجاهزة من الصناعات السهلة التي يمكنك البدء فيها بسرعة، كما ان اقامة مشروع ملابس جاهزة لا يتطلب الكثير من راسمال في حين يمكن تحقيق ارباح اسرع من الكثير من المشاريع الأخرى التي تتطلب وقتا كبيرا للبداية، وتكاليف كبيرة ورأسمال ضخم.

المساحة المطلوبة لبدء مشروع ملابس جاهزة تبدا من 100 متر مسطح او اقل، ويمكن ان تكون في اي مكان فهي صناعة غير ملوثة ولا ينتج عنها ضجيج، ولهذا قد تجد مصانع الملابس الجاهزة في وسط التجمعات السكنية بدون اي مشاكل، بل ان بعض المصانع الصغيرة موجودة بالفعل في شقق سكنية في كثير من الاحياء.

التخطيط لعمل مشروع ملابس جاهزة

قبل ان تتخذ اي خطوات فعلية في تنفيذ مشروعك يجب عليك ان تفكر بأربعة عناصر مهمة لأي مشروع ومنها مشاريع الملابس الجاهزة:

  • السوق.
  • المنتج.
  • التصنيع.
  • التسويق.

 مشروع الملابس الجاهزة وعلاقته بالسوق:

يجب عليك دراسة السوق المستهدف، وما شكل المنافسة الموجودة به وما نوعية المنافسين، وما هي عناصر قوة وضعف كل منافس منهم، وهل تجد لديك اي نقاط قوة تستطيع الاعتماد عليها للتفوق علي منافسيك؟ هل كونت تصور مبدئي لمواصفات المنتج الذي ستنتجه؟ اذا كان الامر كذلك فانتقل للخطوة التالية او اختر سوقا اخر يمكنك النجاح فيه.

انت الان حددت السوق الذي ستعمل فيه، ولديك فكرة مبدئية كيف ستنجح فيه، الان يجب عليك ان تضع تصميما للمنتج الذي ستعمل عليه، دعني اقول هنا ان هناك استراتيجيتين رئيسيين للمنافسة في صناعات الملابس الجاهزة، وهما المنافسة السعرية والمنافسة التصميمية، فإما انت تنتج ملابس جاهزة مشابهة لما ينتجه الاخرون، وتعتمد في منافستهم علي تخفيض سعرك وهذه هي الاستراتيجية الاشهر عند المصريين لكني دعني هنا اقول (واخرة المنافسة دي ايه؟ لا ارباح للشركات ولا منتجات مميزة وجيدة للمستهلك)، اما استراتيجية المنافسة الأخرى فهي المنافسة بالتصميم، حيث يجب عليك دراسة احتياجات وطلبات المستهلك وتحقيقها، وكلما كان تصميمك مميزا كلما كان بإمكانك وضع السعر الذي يرضيك.

مشروعك وتصنيع الملابس الجاهزة:

بناء علي شكل المنتج وتصميمه تبدأ في شراء الماكينات الضرورية له وهي:

  • ماكينات فرز القماش.
  • ادوات الباترون والماركر.
  • ترابيزات وماكينات فرد وقص القماش.
  • ادوات الترقيم.
  • ماكينات الخياطة.
  • مكابس ومكاوي.
  • ماكينات تطريز وطباعة.
  • تجهيزات اخري مثل ترابيزات وشماعات……

يتم تحديد طول ترابيزة القص بناء علي شكل المنتج، وعدد الترابيزات والمقصات بناء علي حجم الانتاج, ويتم اختيار ماكينات الخياطة المطلوبة للإنتاج، ويتم وضع الماكينات علي شكل خطوط (قد تكون متشعبة ولكن يظل اسمها خطوط مجازا) بحيث ان كل ماكينة تقوم بعملية واحدة لإنتاج المنتج المطلوب.

وبناء علي شكل الخطوط وحجمها يتم تحديد المساحة المطلوبة لمشروعك.

مشروعك وتسويق الملابس الجاهزة:

يمكنك ان تسوق منتجات مشروعك من خلال محلاتك الخاصة، وهنا ستحتاج الي توفير رأسمال يكفي لدفع ايجارات المحلات لأول عدة شهور، وهي الشهور التي لا تتوقع وجود مبيعات كافية به، او انك ستضطر الي الاستعانة بمحلات الاخرين، والمشكلة  في حالة الاستعانة بمحلات الاخرين انك لن تحصل علي ثمن منتجاتك فورا، بل سيكون ذلك بعد بيع المنتجات بالفعل حيث يحصل المحل علي عمولة ويعطيك الباقي، وهذا حسب الاتفاق بينكم، وفي هذه الحالة ستضطر لتوفير رأسمال مناسب يكفي لعرض منتجات مشروعك في هذه المحلات (فرش المحلات) وهي تعتبر اموالا غير مستغلة، لكنها ضرورية لتسويق منتجات مشروع الملابس الجاهزة الخاص بك، خصوصا في المراحل الاولي وحتي يعرف الناس منتجاتك.

لديك استفسارات؟ اتركها في تعليق..

الكاتب: خالد الشيخ

avatar

مصمم ازياء مصري حاصل علي درجة الدكتوراة في تصميم الازياء، واعمل مدرس (دكتور) بكلية الفنون التطبيقية- جامعة حلوان- قسم الملابس الجاهزة، اكتب هنا في موقع فاشونايد، واعتبره ساحة للحوار حول كل ما يخص تصميم وتصنيع الازياء.

170 تعليق علي الموضوع

  • شكرا على المعلومات القيمة لكن هل من الممكن التعرف على اشخاص فى هذا المجال لاجراء مشاركة فى العمل

  • معلومات قيمة جداً
    عارفة ان الموضوع مش مناسب للسؤال القادم لكن أتمنى الإجابة عليه

    بسمع كتير عن الإدارة الفنية في مصانع الملابس و حتى فيه أمكاكن بتقدم دورات عنها

    كنت عايزه أعرف معلومات عنها ياريت لو تعطيني فكرة عنها بسيطة وإذا تسنى الوقت تكتب عنها في موضوع منفصل وشكراً

    • كلمة ادارة فنية لها اكثر من معني في الصناعة عموما وصناعة الملابس الجاهزة.
      فقد يقصد بها مجموعة الادارات المسئولة عن تصميم واعداد الباترون وتنفيذ العينات والانتاج، وهي الادارات المنتجة.
      وقد يقتصر اطلاق هذا الاسم علي الادارة الهندسية (ادارة هندسة الانتاج)، ووظيفتها تحسين مهارات العمال وتطوير اداء الماكينات بالمصنع لزيادة الانتاج.
      اما ما تقصدينه فهو Sales Merchandiser وهذا “المارشنديزر” تكون وظيفته الاتصال بالعملاء والتفاوض معهم علي السعر، وكميات الانتاج، كما يقوم بمتابعة انتاج عينات العملاء ومطابقتها للمواصفات، وتحميل خطوط الانتاج، ومواعيد التسليم.
      وهو شخص مهم جدا بالمصنع، وساكتب موضوعا عن هذه الوظيفة، لكنه لن يكون تحت مسمي “الادراة الفنية” بل تحت مسمي “المارشينديزر”

  • الاناقة هى موضوع شخصى أكبر من مجرد ملابس الشخص نفسة. كلام جميل !
    ممكن سؤال يا دكتور خالد لو سمحت ما هو وسع الذيل فى فستان السهرة القصات
    للعروس . وجزاك الله خيرا

    • ساجيب عن هذا السؤال نظرا لاصرارك علي السؤال (4 مرات)، مع ملاحظة ان التعليق غير مرتبط بالموضوع تماما.
      اتساع ذيل الفستان يختلف من موديل للاخر ومن ستايل لستايل.
      الطبيعي الا يقل اتساع نهاية الفستان او الجيبة عن 120 سم، لكن قد يزيد، والغالب في فساتين السهرة ان تكون 280 سم تقريبا، علي اساس ان عرض القماش 140 سم، فيتم قص كل من الامام والخلف بحيث يكون اتساع الذيل هو نفس عرض القماش، لان العرض اكبر من ذلك يتطلب عمل قصات طولية بالفستان (برنسيس)
      من جهة اخري يجب ان يكون هناك تناسق بين الاتساع في الامام والخلف، حتي لا يصبح مثلا الخلف عريض جدا (اقصد الاتساع وليس الطول) والامام ضيق فيتحرك خط خياطة الجنب للامام ويتشوه شكل الفستان.
      ملحوظة: ساحذف كلا التعليقين (تعليقك وردي) قريبا لخروجهما عن الموضوع.

  • ششكرا على الرد حقيقي انت انسان رائع و فنان واتمنى ان تدرس لى فى احدى الدورات ااو كلها
    وواسف على ان تعليقى بعيد عن الموضوع لكن جزاك اللة خيرا على الاجابة حيث اننى كنت فى الحاجة الشديدة اليها . ارجوك سامحنى و لا تكرهنى والى اللقاء

  • ما شاء الله جهد مميز بس كنت عايزة اعرف ايه اقل تكلفة لحد مبتدئ تضمن له بدايه ناجحة في المشروع ده ؟
    ومعلش كمان ٣ سؤال ، هو لازم اكون بأعراف أخيط عشان أأسس مشروعي ؟
    وهل كورس التصميم واليا ترون والتنفيذ هيخليني قادرة أني أتطلع منتج ينافس ؟
    آخر حاجة معلش هو ممكن يبقى فيه كورس عن كيفية انشاء مشروع زي كدة ويبقى مفصل يعني نحسب التكلفة إزاي ونعمل دراسة جدوى واختيار الخامات وأماكن البيع ماركات الماكينات وأنواعها …..؟

    شكرًا لحضرتك وآسفة للإطالة

    • التكلفة تختلف، واقل تكلفتها هي سعر ماكينة خياطة سنجل، وماكينة اوفر 3 فتلة وترابيزة قص، ومقص ومكواة وايجار المكان بالاضافة الي القماش وباقي الخامات. اظن ان 7-10 تكفي لاول شهر، ويضاف اليه تكلفة استهلاك الخامات شهريا والاجور والايجارات الشهرية.
      هل لازم تكوني بتخيطي: معرفتك باصول مهنتك يساعدك علي النجاح، ولكن ليس كل اصحاب رؤوس المال عارفين باصول صناعاتهم، ويستعينون بغيرهم من اصحاب المعرفة والمهارة.
      هل تساعدك كورسات التصميم والباترون والتنفيذ: الكورسات تساعدك علي معرفة اصول مهنتك وبالتالي النجاح، وتحتاجين الي دراسة جيدة للمشروع والسوق، بالاضافة الي الفكر الجيد والادارة وقبل كل ذلك توفيق الله.
      هل يمكن تقديم كورس عن انشاء مشروع: نقوم باعداد المادة العلمية حاليا لتقديم كورس مصغر حوالي 5 ايام.

  • والله كلام جيد ومفيد بس عندى استفسار يادكتور مافيش فروع للجمعيه فى المحافظات انا حابه اخذ كل هذه الدورات بس انا من المنصوره ارجو الافاده وجزاكم الله كل خير

  • السلام عليكم
    حابه أسأل عن كورسات تصميم الازياء هتبدأ امتى وبكم ومواعيدها وايه شروطها ؟

  • من فضلك هل في كورس تشكيل على المانيكان؟؟
    وبرجاء التفاصيل:
    السعر
    عدد المحاضرات و المدة الإجمالية
    موعد بدء المجموعة الجديدة

    شكرا جزيلا

  • جميل جدا انا ايضا اعمل في المجال اصنع ماكينات مكاوي البخار ومكابس لزق الفازلين والطباعه علي الملابس مستوي راقي 01020186773

  • لو سمحت يادكتور انا عايزة افتح مشغل للعبايات الخليجي تنصحني باية؟ةسالت علي ماكينة تطريز كمبيوتر لكن سعرها غالي جدا فما هو البديل؟
    وجزاك الله خيرا

    • ماكينات التطريز بالكمبيوتر تباع باحجام مختلفة “عدد رؤوس التطريز” ويمكنك شراء ماكينة باقل عدد رؤوس تطريز متاح.
      من جهة اخري فإن التطريز علي الماكينات اليدوية “ماكينات البراتو” حرفة يتقنها الكثير من الهنود والباكستانيين وهم موجودون بكثرة في السعودية، يمكنك الاستعانة بهم خصوصا وان تطريز البراتو اقيم واجمل كثيرا من التطريز الالي.

  • بـــــــــــــــــــســـــــــــــــم الــلــه الــرحمــن الــرحيــم انا اسمى صابر انا عندى 19 سنه وانا فى كلية حاسبات ونظم ومعلومات والمشروع ده كان فى ذهنى من وانا عندى 16 سنه لانى وجت انه مربح بكل المقاييس وان شاء الله سوف انفذ هذا المشروع المربح ولكن يا دكتور خالد انا عاوز حضرتك تقول لى كيف ابدء(المكان موجود ومعى 20 الف جنيه )حضرتك شايف ان المبلغ مناسب فى بداية مشروع مثل هذا المشروع ومن فضلك قولى ابدء بكام مكينه وكام عامل وابدء فى تنفيذ مشروعى ازاى وياريت خضرتك تقولى اعمل ايه فى:- 1:الخطوه الاولى :- 2الخطوه الثانيه :- 3:الخطوه الثالثه:- 4:الخطوه الرابعه:- 5:الخطوه الخامسه:- 6الخطوه السادسه :- 7:الخطوه السابعه:- وهكذا…وانا فى انتظار رد خضرتك (شكرا والسلام عليكم ورحمة الله وبراكته)

    • استاذ صابر…
      تطلب التفكير معك في التخطيط لمشروع، وللاسف فأنا لا اعرف اي شيئ عنه، ما هو المنتج؟ اين تبيعه؟ من المستهلك؟ وبالتالي لا اعرف ان كان المبلغ مناسب لمشروعك ام لا لانني لا اعرف طبيعة مشروعك.
      حسنا…… الخطوات حاليا هي:
      – دراسة السوق وتحديد جمهور المستهلكين واحتياجاتهم.
      – دراسة المنافسين والاسعار.
      – وضع تصور مبدئي للمنتج.
      – تحليل هذا التصور وتحديد المكن والمساحات والمستلزمات.
      – اختيار مورد المكن.
      – انشاء المكان.
      – توظيف العمال وتحديد المهام لكل عامل او موظف.
      – بدء العمل.
      وبالتوفيق مقدما

      • يا دكتور خالد طبيعة مشروعى هى تصنيع الملابس الجاهزه وبلأخص تصنيع التيشرتات والبلوفرات والقمصان الرجالى هو طبيعة العمل الذى سوف اقيم به…. منتظر الرد من حضرتك

        • استاذ صابر…
          مصنع التي شيرت يختلف عن مصنع القميص عن مصنع البلوفر، كل منتج له ماكيناته.
          القميص اغلب ماكيناته ابرة مفردة single needle، التي شيرت اوفر 4 فتلة ناعم، والبلوفر اوفر 4 فتلة وماكينات تريكو خشن.

  • سلام عليكم يا دكتور أنا شاب عمري ٢٠ سنة أعيش في بلجيكا أريد شراء ملابس رخيصة و أبيعها في المغرب بمادة تنصحني يا دكتور

    • ادرس السوق وتعرف علي احتياجات الشريحة السوقية المستهدفة.
      تلبية هذه الاحتياجات من خلال منتج مبتكر.

  • انا عايز اعمل مشروع مصنع العبايات وتشرتات وملايات ملابس داخلىة حريمى مثل قمصان النوم اناعندى المكان ومعية 20 الف جنية يرتك تسعدنى وتقولى كل الهحتاجة من الماكينات والقماش ومنين اشترى الماكينات والقماش واسماء الماكينات لانى لا اعرف فيهم والقماش فين ارخص ماكن لبيعة هل هو شارع الازهر وبتشترى كم توب واسعرة كم اقو بس انا ممكن اعمل الاول حاجتين منهم بس قولى اعمل اية الاول وانا انشاء اللة انا هاسمع الكلام

  • نور الدين نصار

    دكتور بعد اذنك بفكر اعمل حاجه مول على صغير كده ابيع فيه ملابس وبحاول اشوف مصنع كويس اتعامل معاه ممكن ترشحلي مصنع تكون جودته عاليه وبنفس الوقت سعر منخفض وياريت تقولي الاسعار الموجوده علشان لسه بدرس المشروع

    • بالتوفيق استاذ نور الدين، لكن هل يمكن ذكر نوعية المنتج لان كل مصنع له تخصص محدد.
      وكذلك الاسعار تختلف من منتج لاخر…..

  • احب ان اتعلم تصميم الازياء و لكن بشكل عملى اكثر بمعنى التعامل مع الاقمشة و الاكسسوار و الخيوط و القصات و تركيب الالوان المتاحة من الخامات الموجودة و ليس الرسم على الورق لانة بيكون تحفة على الورق فقط ارجو الافاااااااااااااااااادة و شكرا
    املك مشروع مصنع ملابس و احتاج الى مصممين متميزين حتى لو مبتدئين

    • تصميم الازياء ليس هو نفسه رسم الازياء، يوجد خلط شائع بينهما.
      التصميم هو ايجاد الفكرة الجيدة، والتي ستكون جيدة حتي لو رسمها المصمم بشكل سيئ، فالتصميم فكرة يحتاجها المستهلك، وليس رسم علي الورق، ولاحظي ان المستهلك لا يري الاسكتش المرسوم ولا يعنيه في شئ اصلا، بل يهتم بالمنتج، والمنتج الجيد هو ترجمة سليمة للفكرة والتصميم الجيدين.
      اما الرسم فهو وسيلة لتوصيل الفكرة المفروض انها جيدة وليس مجرد خداع للعين لايهامها بأن الفكرة جيدة.
      والتعامل مع القماش والاكسسوار و……. يكون بمعرفة هذه الخامات وطرق تكوينها وخصائص كل منها، وبعد ذلك يعتمد الموضوع علي المصمم في اكتساب خبرته الخاصة من خلال الممارسة.

  • احمد عبد العزيز

    السلام عليكم ..
    انا صاحب محل ملابس رجالى مستورده ونظرا لما تشهده البلاد لاتوجد امكانيه للسفر الان ففكرت انى ابدا بالتصنيع ولكن اريد تصنيع بدل وجواكت بجودة المستورد (التركى) قابلنى بعض العقبات منها
    اولا اماكن بيع الاقمشه المستورده واسعارها
    ثانيا كم متر للبدله وكم متر للجاكت (لحساب التكلفه المبدئية)
    ثالثا المصانع عندها القدرة على انتاج النوعيه بتاعتى ولا لاء
    رابعا التصنيع والتوكل على الله وبالنسبه للموديلات اقدر اوفرها لانى بشتغل على كتالوجات
    اترك الرد للدكتور خالد الشيخ جزاه الله كل خير
    وعلى الله التوفيق

    • استاذ احمد…
      للتنصيع في مصر مزايا منها سرعة وسهولة توفير المنتج، بالاضافة الي استقرار سعره.
      -بالنسبة للاقمشة يمكن الاتفاق مع تجار في منطقة الاوبرا وفي الازهر، كما يمكن الاتفاق مع المصنع علي توفير الاقمشة.
      -جاكت البدلة يستهلك في حدود 1.5 متر والبنطلون في حدود 1.25 متر تقريبا، وحسب الموديل وحسابات اخري خاصة بكمية الانتاج.
      -مصانع البدل المصرية تختلف في درجات جودتها ويكفيك زيارة مصنع السويسرية في العاشر لتعرف امكانيات المصانع المصرية.
      وبالتوفيق بإذن الله.

    • نحن نمتــلك المصنع من سنوات ولدينا القدرة علي أستجابة اي طلبيات والأقمشة جميعها مستوردة وايضا اقمشةالبطانة و أقمشة الجيوب جميعها مسوردة زفطنية 100% ونحن نصدر لأيطاليا و لكن الأن نريد توسيع المصنع فنريد طلبيات أكثر ونبحث عنها فأذا أردت في التعاقد معنا و أذا ارد لرؤية الجودة والخامات أرجوا التواصل معنا ومن ثم ألي المدير المسؤل وذلك بعد النظر علي منتاجاتنا بنفسك ومعرفة الخامات جيدا.. للتواصل عبر الأميل .. nawal.ragab@yahoo.com وشكرا

  • عندي سؤال يا دكتور خالد

    أنا بفكر في مشروع ورشة الملابس .. بس أنا معنديش خبرة كافية بالموضوع .. فكنت عايز أعرف أنا هجيب التصميمات منين

    • التصميمات ملك لاصحابها، شغل معاك مصمم، او اشتري تصميمات.
      الحصول علي التصميمات من المجلات يجعل منتجاتك تشبه منتجات الاخرين، ولا تساعدك علي التميز.

  • دكتور خالد

    هل من الممكن أن تدلني علي طريقة للحصول علي دراسة جدوي (فنية ومالية) لانشاء ورشة تصنيع ملابس رجالي (بنطلون و قميص)

    شكرا
    محمد علي

  • هل صناعة الملابس المهنية مثل المأزر تدخل ضمن نطاق الملابس الجاهزة

  • السلام عليكم انا اريدان اكتسب خبره في مجال الملابس لااني هشتاغل في مصنع علي بنك وعيزه اعرف هتعامل ازاي مع الصنيعيه انا معيا دبلوم صنايع قسم ملابس جاهزه ارجو الافاده

    • اهم حاجة تكون قطع الباترون مظبوطة في التجميع، علشان دي اكتر حاجة بتزعل الصنايعية، وتسليم الربط “ربطات” يكون بدون لخبطة ولا حاجة ناقصة، واكسبي الصنايعية لكن كوني حازمة معهم.
      الخبرة في مجال العمل تكتسب من خلال المواقف التي تقابلك. الخبرة هي كمية الحلول الجاهزة الموجودة لديك لمواجهة المشاكل بناء علي تجارب سابقة.

  • السلام عليكم انا صاحب مصنع ملابس شبابى قميص وتيشرتات عايز اتعلم عمل البترونات وبطريقة علميه وصحيحه وعيز اعرف من حضرتك اماكن التعليم وشكرا

    • هل قرأت هذا الموضوع

    • السلام عليكم يا اخ ابراهيم انا عتيق من السعودية ابغاافتح محلات ملابس شبابية في السعودية ممكن تساعدني بحيث اني اخد شوية من خبرتك
      وكيف ممكن اتواصل معاك >> ^-^

      حسابي في الفيس بوك: Ateeq Al-hawsawi
      حسابي في تويتر: Ateeq_01@

  • ممكن اعرف متراج التيشرت الرجالى وتكليفتها من خامات ولو صنعتها عند حد ياخد مصنعيه كام وافضل انواع القماش ايه للتيشرتات الرجالى واسعار الطباعه

    • يختلف المتراج حسب عرض القماش وتصميم التي شيرت.
      يختلف سعر التصنيع حسب التصمم والجودة.
      يختلف القماش حسب التصميم وحسب السعر.
      لا توجدارقام ثابتة.
      صناعة الملابس هي صناعة التغيير، ولو كانت ثابتة لكنا كلنا نلباس نفس الجلباب الابيض.

      • انا عارف يا استاز خالد بس ممكن تبقى تقريبيان كام السعر المتوسط يعنى رنج كام

        • لو جوج القماش يساوي محسط الصدر + عرض الكم يبقي المتراج يساوي طول التي شيرت حوالي 70 سم
          لو جوج القماش دائري كالندر يساوي عرض الصدر يبقيرالمتراج طول التس شيرت + طول الكم
          توجد احتمالات كثيرة
          في المصانع متوسط استهلاك التي شيرت 1 متر مربع، 250 جرام

  • هل ينفع اصمم ازياءو مصنع يصنعها لى ؟ و اقترراحات لاسماء مصانع و مصانع قماش ؟
    شكرا.

    • طبعا ينفع، وممطن تبتدي بالاتيليهات والورش القريبة منك، جربي تنفذي حاجة لنفسك ع حد زلما يعجبك شغله اشتغلي معاه

      • السلام عليكم
        استكمال لسؤال زميلتنا انها هتتعاقد مع اتيليه عشان يصمم موديلاتها، لاني هبدا نفس الخطوه بإذن الله و كذلك لقيت مصنع ملابس صغير عنده استعداد لتفصيل موديلاتي ، لكن سؤالي هو :
        انا لما هاجي ابدأ شغل مع الاتيليه اللي عجبني شغله او مصنع الملابس . هيكون كيفيه الاتفاق معاه في الحسابات ازاي لاني جديده في المجال ده. و لك جزيل الشكر بإفادتي دكتور خالد الشيخ . و لو فيه كورسات لاداره مشاريع زي كده ممكن تفيدني لاني احب اكون خبيرة في المجال .

        • تصحيح: هي هتتعاقد مع اتيليه لتنفيذ تصمياتها
          الثقة والمصداقية المتبادلة ضرورة في اي عمل….
          ممكن تتفقي معاه علي تكلفة قص وخياطة القطعة وانتي تجيبي القماش حسب الكميات اللي هيقول عليها وتكلفة القص والخياطة حسب كل تصميم.
          ممكن هو يجيب القماش ويقص ويخيط ويحاسبك علي كل حاجة.
          الموضوع بسيط بس المهم تلاقي حد تثقي فيه.
          بالنسبة للكورسات للاسف لا يوجد حاليا…

  • لو سمحت انا افضل مقاس للعبايات متداول فى السوق هو اية؟
    والمقاس الاكثر مبيعا؟

    • ليس هكذا تكون الاسئلة…..
      كل منتج له سوق مستهدف، والعبايات “البناتي” تكون مقاساتها اصغر بشكل عام من العبايات “الليدي” وانت ادري بسوقك مني.
      اعتقد ان مقاس 40 في البناتي مناسب وفي الليدي مقاس 46-48 يكون اكثر…

  • السلام عليكم
    لو سمحت انا كنت عايزه اخد توكيل مصنع للملابس الجاهزه ف مركز تابع للمنيا علما بأن لايوجد احد ف هذا المركز حاصل ع توكيلات من مصنع ملابس كنت عايزه اعرف هو موضوع التوكيل ده يتكلف ميزانيه اد ايه
    وانا عندي المكان وببحث حاليا ع اخذ توكيل للمصنع وانا مبتدئه ف الموضوع ده ومش عارفه ابدأ ازاي ؟
    وللك كثير الشكر

    • اتصلي بصاحب التوكيل واساليه عن السعر كل ماركة ولها سعرها….
      اغلب التوكيلات بيكون ليها وكيل محلي بيكون هو المسئول عن تصنيع ومراقبة جودة ومحاسبة كل المصانع اللي شغالة للتوكيل ده.

  • شكرا للمعلومات ولوسمحت حضرتك كنت عايزة اعرف لو انا هفتح مصنع صغير على قدى كدا اجر العامل بيكون كام تقريبا على اساس القطعة و هحتاج كام ماكينة تقريبا … شكرا

    • طبعا عامل بيخيط تي شيرت غير عامل بيخيط فستان.
      العامل بيبتدي اجره من 100 جنيه في اليوم، وبالتقدير لو هيعمل 20 تي شيرت يبقي اجره في التي شيرت في حدود 5 جنيه، وكل قطعة بيكون لها سعر حسب صعوبتها.
      بالنسبة لعدد الماكينات، هنقسم حجم الانتاج المطلوب علي انتاج الماكينة الواحدة، ولو افترضنا انك عايزة تنتجي 200 تي شيرت في اليوم يبقي محتاجة 10 ماكينات.

  • شكرا علي مقال حضرتك
    هل لو عملت outsource للتصميمات ( انا عندي خلفيه في الاداره فقط) و نفذت مع ورشه او مصنع وبعد كده بدات عمليه البيع
    هل حضرتك شايف ده ممكن ولا صعب تنفيذه ؟

    شرا لحضرتك

    • هل الـ outsource ده هيخليكي تقدري تعملي تصميمات متميزة خاصة بيكي، ولا مجرد تقليد لشغل الاخرين؟
      عموما هو ممكن لكني انصح بتقديم منتج متميز وختلف.

  • شكرا على شرحك الراقى..
    انا اعمل فى مجال الملابس الحريمى منذ 12 عام.
    وانا سنى الان 26.
    واريد الانتقال الى مرحلة التصنيع واريد ان ادرس عمل البترون ولكن لا اعرف فى اى مكان .
    الرجاء مساعدتي…..01226577273

  • ارجو الافادة ان ممكن افتح مصنع ملابس بس محتاج حد يكون بيفهم فى التسويق

    • لو يرغب احد في العمل سيتواصل معك ويمكنك اضافة وسيلة اتصال.

    • التعليق التالي لمن يرغب في التعامل معهم بدون مسئولية علينا
      ———————————————————————
      ISMINTERNATIONAL SEWING MACHINES, S.A.R.L
      JEAN T. NOURA
      Picadelly bldg no: 85
      Tel: 00961-1-49 79 11Slaf street no: 40
      Dekwaneh – el maten
      Mobile and WhatsApp : 00961-3-30 49 11Beirut – LEBANON
      e-mails: ism_304911@hotmail.com
      Skype : sewingmachine-lebanon

      السلام عليكم ورحمة الله
      أتمنى لكم نهاراً سعيداً!
      نحن شركة لبنانية مركزها في بيروت , تقوم شركتنا بيبيع جميع أنواع آلات الخياطة الصناعية ، واساس عمل الشركة تجهيز جميع انواع المصانع الخياطة وتصليحها مع صيانتها بعد البيع .
      مصانع لللالبسه الجاهزة علي انواعها / مصانع لللالبسه عسكرية / مصانع لللالبسه مستشفيات / مصانع لللالبسه مدارس / مصانع لللالبسه العراءس والسهرة /مصانع للمفروشات /مصانع للبرادي الخارجي والداخلي / مصانع للمراتب ـ مخدات ـ شراشف ـ لحف والى اخره ….
      هو محل تقدير كبير ردكم السريع.مع أطيب التحيات، جان نوره

  • الاستاذ الدكتور خالد انا رباب احد تلاميذك لك كل شكري وتقديري اولا علي كل ماتعلمته من حضرتك
    انا فعلا اخذت بكلام حضرتك وبدأت حاليا بعمل باترونات وتشغيلها ف ورشة للملابس البيتي وبعمل زباين اولا ودي اول خطوة
    بعد ذلك سوف أبدء بمشروعي بإذن الله

  • بشتغل من 10 سنين عندي 30 سنه …تعبت من القطاع الخاص اشتغلت في التجارة ومحاسبة ومدربة جيم عليشه في محافظة صغيرة المجال مش مفتوح ….قررت افتح مشروع وهوا صناعة التيشيرت بس لما سالت في الموضوع ناس كتير احبطوني وشايفين ان كتير عامل الموضوع ده واني هتاجر في حاجة خسرانة

    • عمر ما صناعة التي شيرت هتقف…. هيفضل مطلوب لانه قطعة ملابس اساسية.
      لكن عيب التي شيرت ان مكسبه قليل لانه منتج بسيط.
      انصحك انك تشتغلي علي حسب طبيعة المحافظة ومستوي المهارات فيها.
      بعض مناطق الصعيد فيها خامات ممتازة زي التلي والملس… ممكن تطعمي منهم حاجات مودرن وتبيعيها في محافظة تانية “القاهرة” وتكسبي كويس.
      مناطق مطروح والواحات فيها تطريز ممتاز جدا، ومناطق سينا فيها تطريز جميل جدا بردو.
      كل منطقة مهما كانت بسيطة هتلاقي فيها ميزة، ولو مفيش مميزات خالص فده بردو في حد ذاته ميزة، لان اجور العمال هتكون قليلة جدا مقارنة بمناطق تانية، المشكلة انك هتحتاجي شوية وقت علي ما تدربيهم.
      لو مفيش مهارات خالص ابدئي بتي شيرت علشان متتعبيش اوي مع العمال.

  • حضرتك سؤال ماهى الماكينات المطلوبة لتشيرتات رجالى

    • مكنة الاوفر 4 فتلة للتجميع (خياطات)
      مكنة اورليه لثني النهايات في الكم والبدن
      مكنة شريط لتركيب شريط الرقبة
      مكنة سنجر لتركيب التكت والهانج تاج

  • انا احمد من مصرترزي واعمل بمصانع ملابس جاهزة مثل التي شيرت والبنطلون الشبابي وغيرها واريد ان اقوم بهذا المشروع الصغير للملابس ومن اين احصل علي قماش المصانع وكيف اقوم بتوزيع منتجي

    • الاقمشة القطن موجودة في التربيعة- الازهر، ويمكن التوزيع علي محلات الملابس الرجالي في منطقتك.

  • السلام عليكم دكتور خالد انا عايزه يكون عندي مصنع وانتج الموديلات اللي تعجبني بس مش عايزه اجازف باني اعمل مصنع فكنت بفكر اني اجيب الموديلات اللي انا عيزه ابيعها واجيب القماش واختار مصنع ينتجلي ولو شغلي اتباع بنجاح ابتدي انا اعمل مصنع واشتغل لحسابي فايه راي حضرتك كفكره مبدئيه وهل التكلفه في الحاله ده هتكون اقل من اني ابدا بمصنع يكون ملكي

    • طبعا تكاليف بداية المشروع هتقل. لكن تكلفة القطعة الواحدة هتزيد، مش مهم الزيادة لحد ما تتطمني لنجاح المشروع.
      اهم حاجة حاولي تشغلي حاجتك عند شحص امين، لان وارد جدا انه يضرب موديلاتك يعني ينتجها ويبيعها لحسابه.

  • السلام عليكم لو سمحت ي دكتور انا مهندس ميكانيكا قوى وكنت حابب اعمل مشروع ملابس حريمى وانا من البحيره وعوز اركز على العبايات الحريمى والملابس الداخليه . لو حبيت اعمل خطين انتاج الخط الواحد تكلفته فى حدود كام انا بتكلم على اسعار المكن . وشكراً لحضراتك وسعة صدرك

    • اسعار المكن دلوقتي تبدأ من 2000 جنيه لمكنة السنجل (الخياطة العادية) و3200 لمكنة الاوفر، والاورليه حوالي 5500 جنيه.
      تكلفة الخط كله تختلف حسب شكل المنتج وبالتالي عدد المكن في الخطـ لكن مبدئيا ممكن تحسب التي شيرت 12 مكنة (8 اوفر و4 اورليه)، وتحسب العباية 6 مكنات (5 سنجل ومكنة اوفر).

  • استاذ خالد عندى سؤالين .. ايه الافضل استيراد ملابس جاهزة من الصين او انى اجيب قماش و اخلى مصنع يعمله ( الافضلية من ناحية الربح ) ؟

    تانى سؤال .. انا ناوى اشتغل فى صناعة و تسويق السويت شيرت و الهودي الرجالى , ايه نوعيه القماش اللى انزل اجيبه و فين الاقيه بجودة و اسعار كويسة .

    و شكرآ

    • التشغيل في الصين مريح في المتابعة، التشغيل في مصر ارخص في التكلفة خصوصا مع تغير سعر العملات حاليا.
      التي شيرت بيتصنع من قماش سنجل جيرسيه (براسولا) والهودي بيتصنع من ميلتون او بيكيه علي حسب التصميم، وتلاقيهم في التربيعة-الازهر او في شارع جمال عبد الناصر- السلام.

  • السلام عليكم ورحمة الله وبركاته
    اريد فتح مصنع لملابس الاطفال الداخلية والخارجية فكم تكلفة خط انتاج الملابس الداخلية وخط الخارجية من حيث الادوات المطلوبة لاقامة المشروع وجزاك الله كل خير

    • خطوط الانتاج تختلف من منتج لاخر وكذلك الاسعار.
      انصحك بالذهاب الي توكيل ماكينات جوكي في اول شارع شهاب من جهة جامعة الدول.

  • هاله عبد المنعم

    استاذ خالد .. انا درست ف مدرسه ثانوي صناعي قسم ملابس جاهزه وحابه اكمل ف المجال بس مجموعي مجبش كليه اقتصاد منزلي .. وبفكر اخد كورسات وابدأ من الصفر وطموحي اني ابقي مصممه ازياء مشهوره ويبقي ليا كياني … عايزه رأيك ف اذا كان الموضوع سهل ولا لاء عليا .. لاني هبقي مش معايا شهاده جامعيه .. وتاني حاجه لما اخلص كورسات بأذن الله .. ايه اول حاجه مفروض اعملها ف طريق نجاحي ..وشكرا

    • لو عندك افكار جديدة وجيدة يبقي الموضوع سهل.
      بالنسبة لاهمية الشهادة في مجال الازياء فاهم حاجة هو الشغل نفسه.
      وطبعا اهم حاجة للنجاح هي انك تاخدي خطوة يعني تبتدي تنفذي افكارك.

  • لو سمحت يا دكتور انا باذن الله ناويه افتح مصنع صغير بس طبعا معنديش خبرة
    وهبدا فى صناعه التيشيرتات….. فمممكن اعرف الماكينات اللازم اجيبها هى ايه …. و تقريبا كده قد ايه قماش و نوعه ايه
    و معلش كمان انا سمعت عن انواع ماكينات فكنت عاوزة اعرف الجاك ولا brother ولا صن سير احسن
    و معلش كمان اجيب مكن الاوفر كام فتله

    • مكن التي شيرت الاساسي هو الاوفر 4 فتلة والاورليه باشكاله مثل الشريط والرش.
      بالنسبة لكمية القماش علي حسب راسمالك، وانواعه علي حسب منتجاتك:
      البراسولا للتي شيرت العادي، الميلتون والبيكيه للتي شيرت التقيل ويوجد غيرها كثير.
      حاليا كل المكن في مصر صيني وكثير من الصنايعية يفضلون صن سير.
      انصحك ايضا بالبحث عن مكنة كولكس استاذ محمد: 01069454904
      هي مكنة مصرية لكن يقولون ان جودتها افضل من الصيني.

  • السلام عليكم ورحمه الله اشكرك يا استاذ خالد علي مجهودك ووقتك وجزاك الله عنا كل خير بعد اذنك عايزه اعمل ورشه ملابس اطفال خروج من عمر 3شهور حتي 12 سنه وعندي تصميماتي الخاصه بتفاصيلها وكنت محتاجه اعرف لو امكن تساعدني ابتديها ازاي يعني اي انواع المكن اللي هحتاجه وعدده واسعار اجور العمال وكام مكنه قص والانتاج اليومي بيتقسم ازاي وانا بعرف افرق بين القماش يعني اي اللي ينفع الموديل ده واي مينفعوش بس معرفش اسماء القماش انا اسفه اسالتي كتير بس اتمني انك تساعدني اعمل المشروع ده. وجزاك الله خيرا

    • اغلب الاسئلة لا يمكنني الاجابة عليه لان المكن يتحدد نوعه علي اساس طبيعة التصميمات ونوع القماش، وعدد الماكينات يتحدد علي رأس المال المتاح.
      في البداية حددي طبيعة التصميم والمنتج، هل هو تريكو اذن تحتاجين مكن اوفر 4 فتلة (2500 جنيه) ومكن اورليه (>7000جنيه)، ام هو فستان وبنطلون اذن تحتاجين مكن سنجل (2000 جنيه) ومكن اوفر (2500 جنيه).
      وبالطبع في البداية تحتاجين مقص واحد (1500 جنيه).
      ملحوظة: كل الارقام تقريبية وتتغير سريعا.

  • لو سمحت انا هفتح مصنع ملابس حريمي خروج ولانجيري ومساحة المصنع 150 متر وهل ده يبقي مصنع كبير ولا صغير فممكن اعرف هحتاج ماكينات اد اي للمصنع ومنين اقدر اجيب الماكينات دي واجيب منين القماش الجيد ارجوكم ساعدوني ارجوا الافادة يااستاذ خالد …

    • ده يعتبر مصنع صغير.
      الماكينات هتكون علي حسب المنتج، الشيفون والساتان والكريب والجينز والجبردين وكل القماش اللي شبههم هتستخدمي مكن سنجل واوفر 3 فتلة.
      القماش التريكو زي الباديهات والتي شيرتات هتحتاجي مكن اوفر 4 فتلة ومكن اورليه.
      المكن تجيبيه من سكر او جمال عبد العناصر في جسر السويس او الرويعي في العتبة.
      والقماش من التربيعة في الازهر او الوكالة او جمال عبد الناصر.

  • السلام عليكم…
    انا اعمل بالسعودية بفكر اعمل مصنع صغير للعبايات الحريمي والرجالي والقمصان وبنطلون جينز… واسوقها بالسعودية وايضا مصر…
    انا سالت شخص بمصر قالي تكلفة مصنع عبايات حريمي رجالي وقمصان مكن فقط 50 الف وتكلفة قماش واشياء اخري 150 الف جنيه… لو سمحت عاوز استفيد من خبرة حضرتك اللي انا بفكر فيه صح ولا لا وتكلفة المشروع صح
    وتقريبا العباية الحريمي بتكلف كام والرجالي والقمصان… وايه الصح اللي يكون ناجح ومش اخسر .. الرجاء الرد حياتي كلها في المشروع شقي 10 سنين….
    ايميل الفيس :semsemkabo27@yahoo.com

    • الارقام مناسبة تقريبا، والمشروع هينجح لو قدرت تعمل حاجة بسعر مناسب وقدرت تسوقها كويس.
      وبالنسبة لسعر المنتج اعتبره نص سعر البيع، يعني شوف العباية اللي انت ناوي تعملها بتتباع بكام يبقي تكلفتها تقريبا نص السعر ده.
      مش هقدر اقول العباية بتتكلف كام لان العباية لها مليون شكل.

      • السلام عليكم ورحمة الله وبركاته انا اريد ان اعمل مساعد مدير محل في محل البسة وطلب مني المدير أن أحدد النقاط التاليه.ممكن مساعدة من حضرتك في مناقشتها معي بدون زحمه عليك والنقاط أدناه :
        1. نقاط ضعف المحل
        2.نقاط قوة المحل
        3.الفرص الضائعة للحمل
        4.تهديد المحل
        إضافة إلى ذلك أن أعمل خطه للعمل خاصة بي
        أرجو منك بعض المساعدة
        مع جزيل الشكر والتقدير والاحترام.

        • هذه دراسة ميدانية تتطلب التواجد في المحل نفسه.
          يجب عليك فحص المحل بالكامل داخليا وخارجيا بالاضافة الي العاملين في المحل ونظام العمل، وبهذا تحدد نقاط القوة والضعف.
          ثم تقوم بتقديم اقتراحات التطوير وتحسين نقاط الضعف.

  • السلام عليكم ورحمة الله وبركاته انا عندى شقه مساحتها 100 متر وكنت بفكر اعمل مشروع تصنيع ملابس وتحديدا بديهات رجالى وتيشيرتات وملابس داخليه وكنت عايز اعرف ايه المكن اللى يحتاجه المصنع واماكن شراء المكن والخامات المستخدمه للبدى واماكن شراء الخامات ولكم جزيل الشكر

    • المكن اوفر 4 فتلة واورليه من عند سكر في جسر السويس او شارع جمال عبد الناصر او العتبة الرويعي.
      القماش براسولا وريب من جمال عبد الناصر

  • السلام عليكم
    قرأت مقالتك الممتازة يادكتور وأستفادت منها جدا جزال الله خيرا
    ولكن كنت محتاج خبرة حضرتك فى أستفسار انا بفكر فى مشروع تصنيع ملابس رجالى تيشرتات بجودة متوسطة وجودة عاليه اقدر انافس بيها فى السوق المصرى وتصيع بنطلون رجالى بجودة عالية
    ماهى التكلفة المبدائية من وجهة نظر حضرتك وماهى حجم العماله المطلوبه والخامات والمعدات ومساحة المكان
    بشكل عام محتاج تصور مبدئى من حضرتك تجاه المشروع
    وأسف لو اطالت عليك

    • التكلفة تبدأ من 6 ماكينات (2 اوفر 4 فتلة + 2 اورليه + مكنة شريط) مع توفير مساحة العمل لهم والعمال والاقمشة.
      لكن التي شيرت يتم تصنيعه في خط انتاج يصل الي 11 مكنة.
      المساحة تقريبا 2.5 متر لكل مكنة.
      العمال تقريبا 1.5 عامل لكل مكنة.
      في حالة 5 مكنات يمكن انتاج في حدود 250 تي شيرت يوميا.
      وحسب وزن التي شيرت يكون استهلاك القماش، من 4 الي 5 تي شيرت لكل كيلو قماش.

  • السلام عليكم ورحمة الله وبركاته عايز استفسر عن رأس المال المطلوب لبداية مشروع تصنيع سروال جينز واى أنواع المعدات المطلوبه و عدد العماله ايضا ومل ما يخص المشروع لتوفير سروال بمودلات حديثه شكرا مقدما

    • البنطلون الجينز يختاج الي ماكينات:
      سنجل: تحضير الجيوب وعمل الثنيات.
      اوفر 3: فتلة بعض التنضيفات مثل الباتلتة.
      اوفر 5 فتلة او كوع لخياطة الخط الداخلي للرجل (ان سيم).
      ماكينة كمر وماكنية فرماتورة.
      عدد العمالة يتوقف علي الماكينات وشكل البنطلون ومقدار راس المال، وممكن المشروع يبتدي من تقريبا 100 الف جنيه.

  • الف شكر علي المعلومات القيمة جدا من حضرتك
    كنت عايز اسال ..
    احتاج نصائح حضرتك في فكرة شركة لتوزيع الملابس الجاهزة عن طريق مندوبين في المصالح الحكومية و الخاصة و ايضا وجود معرض للملابس الجاهزة لهذه الشركة .
    ما هو راس المال المبدئي تقريبا لهذه الشركة؟
    ما هو قوام هذه الشركة من الموظفين ؟
    كيفية تقدير تارجت المبيعات لكل مندوب و راتبه ؟
    للعلم وجود مصدر لهذه الملابس بسعر جيد جدا و خامة جيدة جدا
    ارجو الرد مع كامل الاحترام و التقدير

    • راس المال يساوي تجهيز مقر للشركة ومصاريف ادارية + ثمن اول طلبية من الملابس + مرتبات للموظفين في حدود 3: 4 شهور علي حسب دورة البيع، بالاضافة الي تكاليف تجهيز المعارض.
      علي حسب مجال العمل وعدد الشركات ستحتاج الي عدد موظفين كافي وليكن كل موظف قادر علي الذهاب الي شكرتين في اليوم يعني الموظف الواحد يغطي 10 شركات كل اسبوع.
      مبدئيا حدد التارجت علي اساس الارباح = صفر، بمعني ان لو كل موظف باع كذا في المتوسط فإنك في اخر الشهر لن تحقق ربح ولا خسارة، ثم ارفع التارجت تدريجيا.

  • اود التعامل مع مصنع الالبسه الراقيه بحد اقصى ٦ بدلات للموديل الواحد و الموديلات من عروض ازياء عالميه
    هل بالامكان ترويدي باسماء و عناوين لهذه المصانع؟

    • انا صاحبة معرض شذر ستايل لنا مشغل بدولة الكويت وعندنا عدد من المعارض بالسعودية ونملك متجر الكتروني بالانستقرام متابعينا اكثر من 40000 وقطعنا من تصميم المصممة المعروفة شذر المطيري وهذا حسابنا بالانستقرامshathr_style للمفاهمة 00966548397196

  • السلام عليكم انا عايز ادخل المشروع دا بس محتاج معلومات كافيه ولكن ليس لي خبره بالمجال ولكن اريد خبرتك ان تقول افضل المجالات فيه والحد المسموح اللي ميخسرش المشروع وهل استخدم مكن عادي ولا مكن اتومتيك اللي بالكمبيوتر الكبير و كم يصل سعرها و ايه المكن العادي ومرتباات الافراد قد ايه وكيفيه التمييز بين المتقدمين للوظيفه ولو بدئت بدون ترخيص ورقي هل في مشكله ولا لا وشكراا

    • انصحك بمشاركة شخص اخر لديه خبرة.
      مجالات العمل كثيرة ولا يوجد بينها الافضل كل واحد له مجال يناسبه ويتميز فيه، بالنسبة لشخص مبتدئ يفضل العمل في مجال مثل التي شيرت او العباية.
      وطالما انك مبتدئ استخدم المكن العادي ثمنه يبدأ من 2000 جنيه تقريبا للمكنة.
      الافراد مرتباتهم تختلف العمال يبدأون من 600 جنيه/الشهر للمساعد، وتقريبا 1200 جنيه للعامل الجديد.
      التمييز في الوظيفة بيكون بالتجربة ممكن يشتغل يوم ونشوف انتاجه.
      بالنسبة للترخيص زيه زي اي مجال عمل تاني في مصر.

  • انا مصممة سعودية بدأت بإنشاء علامة تجارية وقمت بإنتاج اول خط عن طريق ورش محلية ولكن الإخراج هاي اند وجميل احتاج توجيه للمرحلة القادمة ان أمكن التواصل

    • تعرفي علي طلبات السوق وحاولي تلبيتها بقدر استطاعتك.
      توسعي في بلدك وحاولي التمدد الي الخارج بعد ذلك.

  • لو سمحت انا بفتح مصنع عبايات حريمى ومحتاج نصيحة حضرتك بخصوص التسويق

    • التسويق هيكون في المحلات القريبة منك، وممكن المكاتب، حاول تعمل منتج كويس يرضي المستهلك وهو هيسوق نفسه.

  • السلام عليكم كنت عايز افتح مصنع ملابس في الاسكندرية تيشيرتات وقمصان وتيشرتات بولو كنت عايز اسال على نوع المكن الكويس في السوق واي المكن المطلوب بالكامل …الله يبارك فيك

    • التي شيرت والبولو غير القميص
      ركز في التي شيرت والبولو دلوقتي
      محتاج مكن اوفر 4 فتلة واورليه وشريط.

  • د خالد ارجو من حضرتك المساعدة اريد عمل مصنع صغير للملابس الداخلية الرجالى
    # الات المصنع واسعارها
    # الخام المطلوب
    # عدد العمال واجورهم
    # الانتاج الناتج لكل كيلو
    # كيفية التسويق
    لكم وافر الشكر

  • د خالد
    هل الماكينات المستعملة افضل فى المرحلة دى ولا الجديدة واماكن شراؤها

    • في البداية يفضل المكن الجديد لتقليل الاعطال ولعدم وجود خبرة في التعامل مع صنايعية الصيانة.

  • مساء الخير
    أنا عايزة افتح ورشة صغيرة متخصصة فى العبايات … ومش عايزة ابدأ كبيرة بس عايزة ابدأ بإنتاج معقول
    هحتاج كام ماكينة واقدر اعرف اسعارهم منين وايه أنواع القماش المفضل ابدأ بيها بحيث تكون تكلفتها مش كبيرة

  • حوار شيق وخبره ممتازه استاذ خالد
    بعد اذن حضرتك عاوز استفاد منك ف شي انا هفتح مصنع ملابس عبيات حريمي بس مش عندي خبره كافيه بس انا درست المشروع جيد جدا وعملت ابحاث كثيره ووصلت لي اماكن تسويق كثير بس احتاج معرفت التكليف الكليه تقريبا وتنصحني بيه للاستمرار والنجاح اتمنا الرد وشكرا لي حضرتك

    • التكلفة تختلف حسب طبيعة المنتج.
      بشكل عام هتحتاج 4 مكنات ومقص تكلفتهم تقريبا 10000 جنيه.
      هتحتاج قماش واجور تساوي عدد القطع المنتجة في شهرين. لضمان استمرار تشغيل المشروع حتي بداية البيع.
      شوف انتاجك كام قطعة في شهرين واضرب العدد في (تكلفة قماش القطعة+اجور تشغيل القطعة).

  • السلام عليكم
    ارغب فى عمل مشروع صناعه التيشرت الشبابى والاطفالى وطباعه صور عليه السؤال لحضرتك ماهى التكلفه وماهى افضل الاقمشه المستخدمه وهل قماش البرسولا مناسب ام لا والطباعه يفضل سلك سكرين ام ماكينات الطباعه سليمشن وما هى كميه التيشرت التى ينتجها الكيلو من القماش هل من 5 الى 6 تيشرت ام اقل وهل هذا المشروع جيد بمعنى مربح ام لا وشكرا

    • اقمشة البراسولا مناسبة وهي الاكثر استخداما.
      طباعة السلك سكرين للكميات والسبلميشن للاعداد القليلة.
      والكيلو ممكن ينتج فعلا 5-6 قطع وهو مشروع مربح ولهذا يعمل فيه الكثيرون.

  • شكرا جزيلا علي هذه المعلومات واستأذن حضرتك في شؤال انا عايزة اعرف لما اعمل مشروع ملابس جاهزة فساتين خروج حريمي واطفالي وعندي التصاميم اللي عايزة انفذها ازاي اقدر اطلعها بنفس الشكل ده وانا ماعنديش خبرة في التفصيل
    يعني مين ممكن اشغله معايا يقدر يطلعلي نفس التصميم اللي انا عايزاه بمقاسات مختلفة
    ولكم جزيل الشكر

  • السلام عليكم
    ازيك حضرتك يادكتور انا محمد
    كنت عاوز اعمل مشروع تصنيع ملابس جاهزة من تي شيرت وعبايات خليجي وقمصان داخلية والخ…. ف ايةالمطلوب
    انا عندي المساحة ٢٠٠متر
    ف ممكن اعرف من حضرتك اجيب منين الماكينات دي وبكام سعرها

    • المكن من الرويعي او سكر في جسر السويس او شارع جمال عبد الناصر. السنجل تمنها حوالي 2000 جنيه والاوفر 2500 جنيه.

  • السلام عليكم
    ازيك يا دكتور خالد..كنت انوى انا و صديق لى عمل مشروع للملابس الرياضية..و تحديدا التيشرتات الرياضية من القطن و البوليستر..و نظرا لقلة خبرتنا فى المجال فكرنا اننا نقوم فى البداية بعمل تصميماتنا الخاصة و تنفيذها لدى مصنع لم نستقر عليه بعد و تسويقهابحيث تكون هذه هى الخطوة الاولى و بعد ذلك نبدأ بالخطوة التالية و هى عمل مصنع و خط انتاج خاص بنا و ذلك بعد اكتساب بعض الخبرات..برجاء الافادة و ابداء الرأى فيما يخص الفكرة و ارشادنا لما هو افضل لانجاح المشروع

  • السلام عليكم ورحمة الله وبركاته
    د/ خالد ممكن اعرف افضل نوع لعمل التيشيرتات وعمل التيشيرت البولو وتيشيرت الاطفال

  • لو سمحت انا عاوزة اعمل مصنع صغير للملابس الحريمى بس انا معنديش اى خبره وعايزة اعرف كل حاجه تخلينى ازاى اعملوا زى انواع الماكينات وكام واجيب القماش نوع ايه ومنين والتصميم منين ومين يعملها وكل حاجه بعد اذنك وشكرا

  • السلامه عليكم يا دكتور خالد عندي استفسار بعد ازنك انا بحاول اعمل مشروع تصنيع ملابس حريمي اللي هو انا هجيب القماش وهودي اي مصنع وابيع انا منهم جنله وقطاعي بس انا عايز اعرف ايه الموديلات اللي ممكن اعمله و تمشي معايا فالسوق وايه نوع القماش بتاعه وممكن يكلفني قد ايه .وشكرا لحضرتك

    • سؤالك عام جدا…
      اولا مجالات العمل في ملابس السيدات كثيرة جدا هل تقصد البلوزة ام الجيبة ام الفستان…. العباية…. ملابس كاجوال وغيرها كثير.
      ثانيا ماذا تقصد بالموديلات؟ في صناع الملابس توجد ملايين من التصميمات وكل مصنع او محل يبيع الموديلات التي يراها جيدة وتناسب “سوقه” الذي يعمل فيه.

  • بعد اذن حضرتك يا استاذ خالد انا لسه جديد في المشروع ده وعندي افكار في التصميمات والتسويق بس عندي مشكله البدايه زي مثلا الورش اللي هعمل شغلي عندها وده يعتبر حاجه كبيره موقفاني عن تنفيذ المشروع ده. ياريت حضرتك لو عندك اي خلفيه عن الموضوع ده تساعدني وجزاك الله كل خير

  • السلام عليكم انا ببدء بإنشاء مصنع ملابس في منطقة برج العرب الصناعية انا خلصت السجل التجاري و البطاقة الضريبية و الرخصة و جاري عمل المباني و شراء الماكينات و احتاج مساعدة في التالي :
    1- افضل ماكينات لمنصع ملابس جاهزة رجالي أو حريمي ؟
    2- هل في شركات لتجهيز المصانع ؟
    3- أفضل موردي الأقمشة ؟
    4-انا طالب موظفين في كل المجالات مهندسين و فنين و عمال و سكرتارية و عامل إعلان فلو حد حابب يقدم يتفضل ده ايميلي :
    mewafamohmmad@gmil.com
    أرجو التواصل و تبادل الخبرات مع جزيل الشكر
    م.أحمد فاضل

    • حاليا افضل مكن في السنجل هو سانسير صيني و في الاوفر والاورليه هو سيروبا تايواني
      يوجد شركات طبعا لتجهيز المصانع اشهرها جوكي في شارع شهاب، ولو تستني معرض المكن هيكون افضل بس هو بيكون اخر السنة.
      في الازهر هتلاقي موردين كتير اتعامل معاهم واختار اللي يناسبك.

      • السلام عليكم يادكتور خالد انا عايزه اعمل ورشه لتفصيل لسوريه وف نفس الوقت كاجول حريمي ف هل ينفع اني اجمع بين السوريه والكاجول ف التصنيع نعم ام لا ولو نعم اى المكن المفروض اجيبه بالعلم اني عندى مكنه اوفر تلاته فتله ومكنة خياطه سنجر حمام زيت.

        • في التصنيع: ينفع الجمع بينهم لان المكن متشابه سنجل واوفر 3 فتلة.
          في التسويق: صعب لان المجالين بعيد عن بعض

      • السلام عليكم عايزه اعرف اماكن لبيع القماش باسعار منخفضه عشان اعرف اصنعها

  • لو سمحت عاوز اعرف معلومات اكتر عن تصنع التى شيرت الرجالى
    ١_الخامة او نوع الاقمشة المختلفة المستخدمة والسعر اذا امكن .. ٢_انواع المكن المستخدم
    ٣_انواع الخيوط ٤_الطباعة المناسبة لكل نوع

    • التي شيرت في الغالب يصنع من قماش السينجل جيرسيه (براسولا) وخياطته بتكون علي مكن اوفر 4 فتلة واورليه، وبيطبع ترانسفير او سلك سكرين.

  • سؤال صغير يا دكتور
    أماكن تصنيع تي شيرتات برسولا بس كميات صغير
    وشكرا علي مجهودك الرائع

  • شادى عبدالواحد حامد

    السلام عليكم
    بعد اذن حضرتك كنت عايز افتح مشغل لتصنيع الباندانة وبادي كارينا
    ايه التكلفة المطلوبة وافضل الاماكن لشراء خامات الأقمشة بافضل الاسعار
    وشكرا لحضرتكم

    • تكلفة مقص ومكنة اورليه ومكنة اوفر 4 فتلة حوالي 10,000 جنيه مصري.
      بالاضافة الي تكلفة المكان واجور العمال والقماش.
      القماش تشتريه من جمال عبد الناصر في جسر السويس او من شبرا الخيمة، وغيرها مصانع كتير لانتاج التريكو البراسولا.

      • شادى عبدالواحد حامد

        لو سمحت يا دكتور خالد
        انا ف بدايتي لافتتاح مشغل زي مابعت لحضرتك بندانة وبادي كارينا
        كنت عايز استفسر عن افضل انواع الأقمشة للتصنيع والكمية اللي ممكن ابدا بيها وراس المال المناسب لغاية ما ابدا تسويق منتجات المشغل ان شاء الله
        ربنا يبارك في حضرتك

        • البندانة بتتعمل من قماش براسولا (سنجل جرسيه) سواء فيها ليكرا او لا حسب طلب السوق.
          واكيد الكميات بتكون قليلة (كتير منهم بيشتغلوا ببواقي المصانع).
          وممكن تبدأي من اول 30 الف.

  • متشكر يا دكتور خالد على المعلومات القيمة …وافر الشكر لحضرتك

  • انا محتاج اخد كورسات فموضوع التصميم الملابس في حاجه ممكن ادرسها تساعدني فالمجال تصنيع الملابس محتاج اتعلم عشان ابتدي صح

  • مهندس محمد حمدي

    لو سمحت يا دكتور لو حابب اعمل مصنع مبتديء للملابس الداخليه والجوارب من القطن الصافي فقط هيكلفني كام اجماليا وايه المكن المطلوب لو حتي هبتدي بماكينه واحده ينفع ؟
    واتمني لو ينفع اتكلم مع حضرتك فون وشكرا

    • الملابس الداخلية تتعمل بمكن الخياطة.
      الجوارب تصنع علي مكن خاص.
      حدد مجال عملك اولا. الا اذا كنت تملك راس مال كافي للعمل في مجالين مختلفين.

  • حضرتك لو عايز اعمل ورشه لتصنيع التى شيرت هتتكلف كام وايه نوعية الالات واجيبها منين والخامات واجيبها منين ولو هبدا المشروع ده تى شرتات بس هيتكلف كام وممكن دخلو يبقى كام فى الشهر لو شغال كويس وشكرا.

    • علي حسب حجمها ممكن تبتدي من اول 30 الف جنيه.
      معظم الالات هتمون اوفر 4 فتلة واورليه.
      المكن من الرويعي او جسر السويس عند سكر.
      والارباح بتكون في حدود 20%

  • اشكرك على المعلومات اللي قدمته لنا ..وانا ابتدي مشروعي ب شراء منتجات خارج الدوله وبيعها في الدوله و يكون كاجويل ومطلوب .. هل تراه مناسب .. ومن ثم افكر إضافة من تصاميمي.

  • ما هى اسعار الماكينات اللازمة لتصنيع تى شرت رجالى براسولا وميلتون وبيكة وبنطلون جينز

    • التي شيرت والميلتون والبيكة والبراسولا: اوفر 4 فتلة وشريط واورليه.
      البنطلون الجينز: سنجل واوفر 5 فتلة واوفر 3 فتلة وكوع وكمر وفرماتورة.

  • السلام عليكم استاذ خالد الشيخ وشكرا لك على كل هذه الإفادات ..أنا لديا بعض الأسئلة من فضلك …افكر من وقت في مشروع انتاج ملابس خاصة للمحجبات او المحتشمات بموديلات وافكار جديدة ..كل ما يباع في الجزائر مستورد في هذ المجال وليس له لمسته الجزائرية …فانا متحمسة لهذا الموضوع و استطيع ان اصمم موديلاتي بنفسي لكن الخياطة ليست مجالي ولا اريد الاستثمارفي من البداية .. فانا افكر ان اتعامل مع ورشة او مصنع صغير و افتح بوتيك خاص بي لبيع المنتوج وللتعريف به …السؤال هو :
    1 ماهي الكمية بالتقريب التي يجب انتاجها في كولكشن موسمين ( ربيع وصيف ) لملئ محل الملابس
    2 و كم موديل في المعدل يجب ان تحتويه الكولكشن
    3 وهل لك فكرة عن استرانيجية الانتاج متى تكون الطلبية و متى يجب انت تكون جاهزة ؟
    4 وهل اتعامل مع فكرة اني اعمل 2 كولكشن في السنة ربيع صيف /خريف شتاء و بدلك اتعامل مع الورشة او المصنع مرتين في السنة أم يتم انتاج كمية صغيرة و بعدين اذا خلص المعروض يجب العودة لعمل طلبية اخرى من المصنع …ماهو رأيك من فضلك …وشكرا استاذ مسبقا على الإجابة.

    • 1- 2- ليس اقل من 25 تصميم مختلف، 24 قطعة من كل تصميم بالوان ومقاسات مختلفة.
      3- تكون جاهزة قبل الموسم بشهر، في مصر تسلم الطلبيات في مارس واغسطس.
      4- يتم الترتيب لعمل 2 كولكشن لكن يتم الانتاج بكميات حسب رواج المنتج.

  • السلام عليكم د.خالد بعد اذنك ممكن اعرف الاماكن اللي اجيب منها قماش الملابس الداخليه البيضه الرجالي

  • عايزه اعرف انواع المكن للتفصيل السواريه ومكن للكاجول وهل يتعارض شغل السواريه وشغل الكاجول مع بعض ف نفس الورشه

    • مفيش تعارض بس كل مكنة محتاجة مساحة خاصة بيها
      السواريه محتاج سنجل واوفر 3 فتلة اساسي، اما الكاجوال علي حسب نوع المنتجات الي شيرت يفرق كتير عن البنطلون الجينز رغم ان الاتنين كاجوال.

اترك تعليقك

يرجي الالتزام بالاداب العامة عند كتابة التعليق
التعليقات المخالفة والتعليقات التي ليس لها علاقة بموضوع المقالة يتم حذفها.
بريدك الالكتروني لن ينشر
التعليقات تراجع اولا قبل عرضها
البيانات المطلوبة مشار اليها بـ *

*