صناعة الملابس هي صناعة معروفة بطبيعتها الصغيرة، مكنها رخيص وخاماتها أيضا، كما ان كلفة تشغيل الملابس ليست مرتفعة جدا، بالمقارنة مع صناعات اخري مثل صناعة السيارات او الالكترونيات مثلا التي تتطلب أجهزة غالية وخامات مترفعة الثمن، وتكلفة اقامة مشرع الملابس الصغير تعبر هي الاقل مقارنة بالصناعات الاخري.
فما هو راس المال المناسب لبداية مشروع جديد؟
توقف الإجابة على هذا السؤال على ثلاثة عناصر مختلفة تتحدد من خلال طبيعة العمل والهدف من المشروع وهي:
- طبيعة المنتج
- طريقة توزيع المنتجات
- طرق الدفع المستخدمة
طبيعة منتج الملابس
صناعة الملابس رغم انها الصناعة الخاصة بإنتاج الملابس الا ان اختلاف مجالات العمل في الصناعة يجعل من الصعب وجود إجابة جاهزة ومحددة عن هذا السؤال، فعند العمل مثلا في صناعة جاكيت البدلة، يكون من الضروري توافر بعض المعدات الخاصة لصق وضغط وضبط بعض الأجزاء في الجاكيت، وبدون توافر هذه المعدات تقل جودة الجاكيت وتصبح المنافسة في السوق أصعب.
في حين ان صناعة التي شيرت معروفة بانها صناعة بسيطة وسهلة ويمكن العمل فيها بسهولة، لكنها تتطلب وجود عدد من الماكينات حتى يمكن العمل فيها والإنتاج بشكل اقتصادي، اما في حالة العمل في صناعة البلوزة مثلا فيمكن العمل بعدد اقل من الماكينات، لكن تتطلب بعض الخبرة في التشغيل لان انتاج البلوزة اصعب من انتاج التي شيرت وعدد المراحل والعمليات في البلوزة اكثر.
طريقة توزيع المنتجات:
المقصود بالتوزيع هو طريقة انتقال المنتجات من المصنع الي المحلات ثم الي المستهلك ويمكن ان يتم توزيع الملابس مباشرة من المصنع الي المستهلك، او ان يتم توزيعها علي المحلات التي تتولي بيعها الي المستهلك، او حتي نقل المنتجات الي تاجر ملابس يتولى هو توزيعها علي المحلات، وكلما طالت سلسلة التوزيع كلما تطلب ذلك رأس مال اكبر والعكس صحيح.
طرق الدفع المستخدمة:
في حالة وجود مشتري يدفع مقدما تصبح تكلفة إقامة المشروع اقل ما يمكن، لكن هذه الحالة نادرة جدا، وفي حالة الدفع الفوري يكون صاحب المشروع مطالب بتوفير رأس مال يكفي لانتاج كمية من الملابس وتوزيعها علي المحلات ثم تحصيل ثمنها وهكذا، اما في حالة الدفع بالأجل وهو الوضع الأكثر انتشارا فيكون من المطلوب وفير رأس مال اكبر يغطي كمية المنتجات المعروضة في المحلات ولم يتم تحصيل ثمنها بعد.
بالإضافة الي كل ذلك يضاف تكلفة مكان إقامة المشروع هل هو موجود بالفعل، وهل هو مكان مستأجر، وعلي حسب المكان تتحدد تكاليف النقل واجور العمال وغيرها من العوامل الكثيرة جدا، ولهذا لا توجد إجابة واحدة يمكن علي أساسها تحديد رأس المال المناسب لبداية مشروع ملابس صغير، والأفضل ان يقوم صاحب كل مشروع بدراسة مشروعه وتحديد راس المال المناسب له.
خالد الشيخ مصمم ازياء مصري حاصل علي درجة الدكتوراة في تصميم الازياء، واعمل دكتور بكلية الفنون التطبيقية- جامعة حلوان- قسم الملابس، اكتب هنا في موقع فاشونايد، واعتبره ساحة للحوار المتبادل مع المهتمين بهذه الصناعة حول كل ما يخص تصميم وتصنيع الملابس والازياء.
السلام عليكم استاذ خالد أنا فاتحه محل ملابس خروج بس معرفش مكاتب أو حد بيبع جمله ايد أولي عشان بجيب نظام واحده بتتعامل مع مكاتب ويعتبر ايد تانيه ياريت تفيدني
حسب نوع الملابس فيه مكاتب كتير في العتبة وجمال عبد الناصر وفي كل الاماكن تقريبا، وكمان ممكن تشوفي مصانع تتعاملي معاهم مباشرة
لو هبدا اصنع بنطلون شروال وهعرضه اونلاين بصفحة علي الفيس وباسم البراند بتاعتي وانا لسه في البداية …ف حضرتك تقترح اني اعمل كام توب (كحد ادني)في اللون(4 الوان)بحيث انه ميفيضش مني ومعرفش ابيعه او يزيد الطلب ومعرفش اوفي الكمية… مع العلم ان راس المال يكفي حوالي ٣ او ٤ اتواب في كل لون
لو هبدا اصنع بنطلون شروال وهعرضه اونلاين بصفحة علي الفيس وباسم البراند بتاعتي وانا لسه في البداية …فحضرتك تقترح اني اعمل كام توب (كحد ادني)في اللون(4 الوان)بحيث انه ميفيضش مني ومعرفش ابيعه او يزيد الطلب ومعرفش اوفي الكمية… مع العلم ان راس المال يكفي حوالي ٣ او ٤ اتواب في كل لون
جرب في الاول توب في اللون ونوع في التصميمات لحد ما تعرف ذوق زبونك ايه.
احمد محمد عبدالصادق باترونست اعجبت جدا نتعليق حضرتك وبالتوفيق تليفونى لوحضرتك اواحد الاعصاء احتاج اى خدمة
جزاك الله خير د. خالدلو سمحت يادكتور كنت بسال علي ايه المطلوب في تصنيع البنطلونات الميلتون يعني المكن والخامات منين والتكلفه ايلي اقدر ابداء بيها
وكمان بسال حضرتك علي ورش عمل او دورات لتصنيع الملابس
اوفر 4 فتلة واورليه اساسي. وباقي المكن علي حسب التصميم.
علي حسب المنتج والمكان يعني لو هتبتدي بمكنتين اوفر ومكنة اورليه، و4-6 اتواب قماش.
دكتور خالد جزاك الله خير
هل مشروع مصنع ملابس بنطلون وقميص وتيشيرت
يادي الي ربح مناسب
يعني لو عندي ٤ مكنه و٢ اوفر ومقص كهربائي
4 مكنات لو شغالين كويس مش وحشيين
وعلي الاقل هتبتدي وتجرب نفسك وتتعلم ومع الوقت تزود مكن
شكرا لحضرتك المواضيع التي طرحتها هامة جدا ومفيدة
عندي استفسار صغير لو انا عندي رغبة بانشاء مشروع صغير تقريبا كم المساحة التي يجب ان استأجرها لكل ماكينة خياطة بالمتر المربع
يعني لو ح اشتري مثلا عشر ماكينات من غير تربيزة القص مساحة الورشة اللي ح اجرها لازم تكون كم متر ؟
المكنة الواحدة بتحتاج تقريبا 2.5 متر مربع بخلاف الممرات والخدمات
السلام عليكم ورحمه الله وبركاته
أستاذ خالد كنت عايز اعمل ورشه صغيره لتصنيع الملابس الداخليه حماله وبركسر ونص كم بقماش سنجل ليكرا ايه نوع المكن اللى هحتاجه والتكلفه المبدأيه للمشروع ممكن تكون كام بعد أذنك؟؟
اوفر 4 فتلة واورليه اساسي وشريط للحمالة ومكنة سنجل واحدة للتيكت واللابل.
التكلفة للمشروع علي حسب دورة رأس المال وكمية الانتاج، يعني لو انت هتشتغل 3 اتواب وتبيعهم يبقي تحسب تمن كل المكن وتضيف عليها تمن 6 اواب (3 شغالين و3 بيتباعو) + اجور العمال وتكاليف المكان
السلام عليكم انا باذن الله داخله علي مشروع صغير اصنع ملابس حريمي لدي الغير باذواق مختلفه واقوم بتوزيعها ووصلت لمصنع محترف وبيعر كويس ولكن القماش اسعره عاليه حتي الجمله في مكان ارخص من التربيعه في القاهره
الربيعة فيها تجار كبار واحسن سعر هتلاقيه عندهم.