أنواع ماكينة الخياطة اوفر لوك

أنواع ماكينة الخياطة اوفر لوك

ماكينة خياطة اوفر لوكتعتبر ماكينة الخياطة اوفر لوك ثاني أشهر اشكال ماكينات الخياطة بعد الماكينة العادية، وتستخدم بشكل أساسي في تنظيف حواف القماش وان كان لها استخدامات اخري، حيث ان غرزة الاوفر لوك التي تنتج علي حافة القماش تمنع تنسيله وبالتالي تحافظ علي الملابس لفترة أطول كما ان شكل الملابس من الداخل يكون ارقي واجمل، وتخيل لولا وجود غرزة الاوفر علي حافة المقاش من الداخل لامتلأت الملابس ببقايا الخيوط.

واذا كانت مكنة الخياطة العادية تستخدم لتكوين الغرزة ابرة ومكوك، فإن مكنة الخياطة اوفر لوك تستخدم لتكوين الغرزة ابر وكروشيهات، والكروشيه عبارة عن خطاف يتحرك اسفل القماش لتكوين الغرزة مع الابرة.

ويوجد دائما بماكينات اوفر لوك مقص علي يمين الابرة يقوم بقص القماش الزائد وتسوية حافة القماش. وتوجد ثلاث اشكال أساسية لماكينة الاوفر لوك ويتم تحديد موديل المكنة علي حسب عدد الفتل المستخدمة في تكوين الغرزة، والتي تتنوع ما بين ماكينة اوفر 3 فتلة، ماكينة اوفر 4 فتلة، وماكينة اوفر 5 فتلة.

ماكينة خياطة اوفر لوك 3 فتلة

تستخدم فقط في تنظيف حواف الاقمشة المنسوجة، وتحتوي علي ابرة واحدة واثنين كروشيه، وهي المكنة الأشهر والكثر انتشارا.

ماكينة خياطة اوفر لوك 4 فتلة

تحتوي علي ابرتين واثنين كروشيه، وتستخدم في خياطة وتنظيف حواف اقمشة التريكو، وذلك في مرحلة واحدة، حيث تقوم الابرة الإضافية بعمل تحبيس علي الخياطة وتمنع “تفزير” القماش عند خط الخياطة.

ماكينة خياطة اوفر 5 فتلة

تحتوي علي ابرتين وثلاثة كورشيه، وتستخدم في خياطة وتنظيف اقمشة المنسوجة في مرحلة واحدة، حيث تقوم ابرة واحدة مع اثنين كروشيه بعمل نفس غرزة الاوفر 3 فتلة علي حرف القماش لمنع التنسيل، في حيث تقوم الابرة المتبقية مع الكروشيه الأخير بعمل غرزة خياطة من نوع السلسة بجانب غرزة الاوفر لوك 3 فتلة، وتستخدم بشكل كبير جدا في خياطة البنطلون الجينز، حيث ان خياطة الرجل الداخلية للبنطلون في الغالب “ان لم يكن دائما” تكون اوفر 5 فتلة.

توجد تنويعات اخري في شكل ماكينة خياطة اوفر لوك حسب غرض الغرزة وشكلها، كما يمكن عمل اشكال غرزة جمالية بالتحكم في مقدار سحب القماش، وهو الامر الذي يحتاج الي بعض الخبرة في تشغيل المكنة.

الكاتب: خالد الشيخ

avatar
مصمم ازياء مصري حاصل علي درجة الدكتوراة في تصميم الازياء، واعمل مدرس (دكتور) بكلية الفنون التطبيقية- جامعة حلوان- قسم الملابس، اكتب هنا في موقع فاشونايد، واعتبره ساحة للحوار المتبادل مع المهتمين بهذه الصناعة حول كل ما يخص تصميم وتصنيع الملابس والازياء.
136 تعليق علي الموضوع
  1. يقول صديق محمد:

    رايك في مكنة ٣ فتلة ماركةbyond ,دايما مايقطع الخيط الاسفل ماالسبب؟

    1. يقول خالد الشيخ:

      ممكن يكون الخيط مشدودو زيادة من اسفل، وممكن يكون الكروشيه نش نظبوط.

  2. يقول صافية:

    لو سمحت انا بفصل بيجامات م القماش القطيفة المطاطى لما بعمل سرفلة بالمكنة السينجر المنزلى القماش بيمط معايا جدا وبيبقا شكله مزجزج كدا
    فلو حبيت استخدم مكنة اوفر اى الانواع افضل 3 فتلة ولا اى عشان الخياطة تكون متسقيمة ومفرودة مش كأنها كرانيش

    1. يقول خالد الشيخ:

      طالما القماش بيمط يبقي اوفر 4 فتلة

  3. يقول ياسمين ابراهيم:

    السلام عليكم
    حضرتك انا عايزة افتح ورشة ملابس كاجوال حريمى واطفال كاجوال وملابس بيت
    ايه الماكينات اللى محتاجاها
    وايه مكنة الكوع
    ومحتاجة ادخل تطريز هل ف ماكينة اقدر ابتدى بيها
    وايه راى حضرتك ف ماكينة جربر لطباعة الباترونات بعد عملها على برنامج جربر
    ولا باترونست احسن
    شكرا مقدما

    1. يقول خالد الشيخ:

      مكن كتير طبعا.
      الكاجوال مكن والبيت مكن، محتاجة تحددي نوع المنتجات اكتر.
      مكنة جربر “البلوتر” ونظام جربر مع بعض هما عبارة عن اداة في ايد الباترونست مش بيشتغلوا لوحدهم.
      كده كده محتاجة باترونست، لكن السؤال تيجبي للاترونست سيستم جربر ولا لا؟ ده علي حسب كمية الشغل.

  4. يقول MOHAMED shapen:

    انا عاوز افتح مصنع ملابس والأقسام الى هصنعها تى شرتات وبناطيل جنز وقمصان وملابس داخليه انا عاوز اعرف انا محتاج مكن اى وافضل انواع القماش لصناعة الملابس دى اى

    1. يقول خالد الشيخ:

      التي شيرت والملابس الداخلية محتاج مكن اوفر 4 فتلة واورليه وشريط.
      البنطولن الجينز ده قصة تانية خالص.
      غالبية قماش التي شيرت والملابس الداخلية هيكون براسولا (جيرسيه) لكن اوزان مختلفة.

  5. يقول رياض عبد المحسن:

    لو قدامى انى اجيب ماكنة اورليه يبانى زيرو ب15 الف او صينى زيرو ب10 و انا لسا مبتدى تنصحنى ب ايه ؟
    الماكنة اليابانى الزيرو صاحبها كان جابها من سنين و مطلعهاش من كرتونتها بكتالوجاتها بكل حاجتها

    1. يقول خالد الشيخ:

      هشتري الياباني، اتاكد بس انها ياباني واسال علي قطع الغيار للموديل ده موجودة ولا لا.

  6. يقول اسلام احمد:

    بالنسبة لو عايز افتح ورشة ترنجات
    ايه بحتاج لو سمحت
    والافر كام فتلة يعني ينفع معيا ترنج بجامه تيشرت لو سمحت

    1. يقول خالد الشيخ:

      طالما كل القماش هيكون تريكو يعني براسولا ريب ميلتون وغيره يبقي هتشغل بـ أوفر 4 فتلة واورليه

  7. يقول ام محمد:

    لو سمحت كنت عايزه مصنع ملابس داخليه رجالي وحريمي المكن ايه المطلوب وانواعه ولو مستعمل حيكون صح انا خبرتي معدومه وجزاك الله خيرا

    1. يقول خالد الشيخ:

      ممكن مستعمل لو موجود صناعي فاهم في المكن
      المكن المطلوب اوفر 4 فتلة واورليه وشريط

  8. يقول هند:

    مشكور جدا على الموضوع و الاهتمام بالرد
    لو هشترى ماكينة اوفر لتنظيف الحواف و خياطة الأطراف لأقمشة متنوعة نسيج عادى و ليكرا .. الأفضل 3 فتلة و لا 4 فتلة ؟؟

    1. يقول خالد الشيخ:

      الاوفر التلاتة والاربعة كل واحدة منهم لها شغل مختلف
      لو هتشتغل اقمةش منسوجة وليكرا فقط يبقي تجيب اوفر 3 فتلة.
      لو هتشتغل اقمشة تريكو (ي شيرت-بادي-فانلة) يبقي تجيب اوفر 4 فتلة.
      لكن لو هتشتري مكنة واحدة فقط للقماشتين يبقي تجيبها اربعة فتلة

  9. يقول احمد:

    اي الفرق بين المكن المنزلي والصناعي؟

    وهل ممكن أجيب أوفر5فتلة ولو حبيت استخدمها 4فتلة او3فتلة عادي؟

    بالنسبه لمكنة التطريز دي اورليه ولا نوع تاني؟

    بالنسبه لمكن الكمبيوتر ميزته ايه سوا ربع او نص او كامل؟

    1. يقول خالد الشيخ:

      المكن الصناعي اسرع واقوي وادق واسهل في العمل.
      الاوفر 5 فتلة يمكنها انتاج غرزة 5 او 3 لكن لا تنتج غرزة 4 فتلة ابدا.
      مكن التطريز مختلف عن الاورليه.
      مكن الكمبيوتر تبدأ ممزاته من التحكم في السرعة، وتزيد حتي تصل في المكن الكمبيوتر الكامل الي التحكم في تحديد عدد الغرز مع كل ضغطة علي الدواسة، وبتسلسل محدد حسب احتياج مرحلة الخياطة.

  10. يقول احمد:

    ينفع استخدم المنزلي كصناعي

    1. يقول خالد الشيخ:

      فكرة غير جيدة وغير عملية وهتسبب خساير كتير.
      مكن البيت للاستخدام الخفيف فقط وغير عملي.
      انصحك لا.

  11. يقول هبه:

    لو سمحت محتاجه حد يعلمني علي الاوفر 5 فتله نص كمبيوتر واعرف ازاي صيانتها وتضبيط الغرز وكمان زرار مقاس الغرز اللي علي الشمال بيعلق والخيط والقماش بيكلكع مع الخمسه فتله انما مع استعمالها 3 فتله بتبقي كويسه ممكن استعين بمين؟

  12. يقول هبه:

    لو سمحت استاذ خالد انا اشتريت اوفر جاك سيرفو 5 فتله والسكينه العليا اتكسرت هل ممكن اغيرها انا ولا لازم متخصص ؟

    1. يقول خالد الشيخ:

      تغييرها سهل لكن ياريت اول مرة فني صيانة يغيرها لك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

اعجبك الموقع؟

صفحتنا علي فيسبوك

تواصل معنا...

هل تبحث عن موضوع معين؟

اعضاء فاشونايد